"Сувар" тата "Суварята" мала тухнӑ

Чӗмпӗрте иртнӗ Регионсем хушшинчи хореографи ушкӑнӗсен фестивалӗнче Шупашкарти "Суварята" коллектив виҫӗ пӗрремӗш вырӑн тата Гран-при ҫӗнсе илнӗ. Ҫакӑн ҫинчен Ирина Музыкантова юрӑҫ хӑйӗн Инстаграмӗнче пӗлтерет.

Унӑн ашшӗ, пирӗн ентеш Анатолий Музыкантов ертсе пыракан ушкӑнсем нумай приз ҫӗнсе илнӗ ӗнтӗ. "Сувар" ташӑ ансамбльне ҫӳрекен аслисем нумай пулмасть Шупашкарти конкурсра призла вырӑн йышӑнса 100 пин тенкӗлӗх Сертификат илме тивӗҫнӗ. 

Артистсене малашне те ӑнӑҫу сунатпӑр.