СВО ветеранӗсене ӗç тупма пулăшаççӗ

Ӗçе вырнаçас тесе пурӗ 154 çын пулăшу ыйтса килнӗ, вӗсенчен 102-шӗ ӗç вырăнӗ тупнă, 5-шӗ хăйсен ӗçне уçнă, 52-шӗ тӳлевсӗр професси пӗлӗвӗ илнӗ.

Кашни ветеран çумне карьерăн харпăр консультантне çирӗплетеççӗ. Вăл пур тапхăрта та – резюме çырассинчен пуçласа собеседовани иртесси таранах пулăшса пырать.

Ветерансем республикăри предприятисенче операторӗсем, водительсем, сварщиксем, электрогазосварщиксем тата ытти специалист пулса ӗçлеççӗ.

Çӗнӗ професси илес тесен вӗсем валли «Работа России» порталта 8 вӗренӳ программи ӗçлет, çав шутра даннăйсен аналитики енӗпе, искусствăлла интеллект системисемпе ӗçлессипе тата пилотсăр вӗçекен аппаратсене тытса пырассипе пӗлӳ илме май пур.

СВО ветеранӗсене ӗç тупса парасси «Кадрсем» наци проекчӗпе килӗшӳллӗн пурнăçланать.