News by tag - Чуваши Татарстана

• 09 ноября 2023

  Юбилейпе сире, Анатолий Константинович!

  Хаклă çыннăмăра, чăваш халăхӗн сумлă та паттăр ывăлне, Чăваш наципе культура автономийӗн хисеплӗ пайташне, обществăлла ӗçӗн хастарне, 1938 çулхи ноябрӗн 9-мӗшӗнче Аксу районӗнчи Кивӗ Мăкшел ялӗнче çуралнă Анатолий Константинович САМАРЕНКИНА 85 çулхи сумлă юбилейпе чун-чӗререн саламлатпăр!

  
• 07 ноября 2023

  9-мӗш хут Тутарстан чемпионӗ

  Ноябрӗн 4-мӗшӗнче Тюлячи район центрӗнче сывлăх енчен çирӗп маррисен хушшинче армрестлингпа иртнӗ чемпионатран пирӗн ентеш, Çӗпрел районӗнчи Аслă Аксура пурăнакан Петр Мускатинов черетлӗ çӗнтерӳпе таврăнчӗ.Тутарстан чемпионӗн ятне 9-мӗш хут тивӗçрӗ вăл. Саламлатпăр! Малашне те спортра çитӗнӳсем тума ăнăçу сунатпăр.

  
• 06 ноября 2023

  Чистай ЧНКЦ ертӳçине суйларӗ

  Чистайсем районти Чăваш наципе культура центрӗн ертӳçи пулма Петр Валентинович Плотниковах шанчӗç.

  
• 31 октября 2023

  Анат Кама вӗрентекенӗсен мастер-класӗ

  Анат Камăри 34-мӗш гимнази-интернатăн кӗçӗн классенче чăваш чӗлхи вӗрентекен И.И.Третьякова республикăн тӗрлӗ кӗтесӗнчен пуçтарăннă учительсене мастер-класс кăтартса пачӗ. Теми – «Уроксенче тата урок хыççăнхи занятисенче ачасен сывлăхне упрама пулăшакан технологисемпе усă курасси».

  
• 31 октября 2023

  Кашни чăваш шкулӗн йывăрлăхӗ пӗр

  Ачасем квест, квиз иртнӗ вăхăтра чăваш чӗлхипе литература учителӗсем, ТР Вӗрентӳпе наука министертвин, ТР ЧНКА представителӗсем тата «Сувар» хаçат ӗçченӗсем чăваш чӗлхипе литературине вӗрентессипе çыхăннă йывăрлăхсене сӳтсе яврӗç.

  
• 31 октября 2023

  Интернетри трендсем чăвашлатсан та интереслӗ

  Тутарстанри чăваш çамрăкӗсен черетлӗ «Аталан» наципе вӗрентӳ форумӗ октябрӗн 27-мӗшӗнче Анат Камăри 34-мӗш гимнази-интернатра иртрӗ.Унта республикăн районӗсенчи 170 ытла шкул ачи, 28 чăваш чӗлхипе литературине вӗрентекен, районсенчи ЧНКЦ ертӳçисем хутшăнчӗç. Аса илтеретпӗр, «Аталан» наципе вӗрентӳ проекчӗ ТР Вӗрентӳпе наука министерствин 2023 – 2030 çулсенчи программине кӗнӗ.

  
• 07 октября 2023

  Кама леш енчи чăваш утравӗ

  Анат Кама хулинчи 34-мӗш гимнази-интернатăн статусне полилингвальлӗ тесе палăртман пулсан та вăл çак функцие туллин пурнăçлать. Гимназире ачасем пилӗк чӗлхе – вырăсла, тутарла, чăвашла, нимӗçле тата акăлчанла вӗренеççӗ. Хушма пӗлӳ программинче чăваш фольклорӗ те пур. Кружока Т.А.Носевич ертсе пырать. Вăхăтӗнче официаллă статусӗпе чăваш гимнази-интерначӗ пулнăскер, йăлана малалла тăсать. Урăхла каласан, Кама леш енчи чăваш утравӗ пулма пăрахмасть.

  
• 06 октября 2023

  Чăваш халăх поэчӗн музейӗ уçăлман-ха

  Çарăмсан районӗнчи Çӗнӗ Йӗлмел ялӗнчи П.В. Афанасьевăн музей-çурчӗ официаллă уçăлман-ха, апла пулсан та унта районти чăваш шкулӗсенче вӗренекен ачасен икӗ ушкăнӗ Пушкин карттипе экскурсире пулса курнă та ӗнтӗ.

  
• 03 октября 2023

  «Аталан» форум Анат Камăра пулать

  Тутарстан чăваш çамрăкӗсен черетлӗ «Аталан» форумне Анат Камăри 34-мӗш гимнази-интернатра октябрӗн 27-мӗшӗнче ирттерме палăртнă.

  
• 20 сентября 2023

  «Нечкэбиле» кăçал Клементьевсем хутшăннă

  ТР Раисӗ Рустам Минниханов тӗрев панипе республикăра 2004 çултанпа анлă социаллă культура проекчӗ –çемье тата аннелӗх илемӗн «Нечкэбил» конкурсӗ пырать. Вăл кăçал та республикăн чи лайăх çемйисене пуçтарчӗ. Конкурсăн тӗллевӗ – çемье хаклăхне, Тутарстан халăхӗсен культурипе йăли-йӗркисене, сывă пурнăç йӗркине анлă сарасси. Унта законпа пӗрлешнӗ, ачаллă, Тутарстанра пурăнакан çемьесем кăна хутшăнаççӗ. Сентябрӗн 16-мӗшӗнче Хусанти Ленин ячӗллӗ Культура керменӗнче виççӗмӗш тапхăрӗ иртрӗ. Çӗпрел районӗн чысне Алешкин Саплăк ялӗнче пурăнакан Клеменьтевсем хӳтӗлесе «Халăх йăли-йӗрки» номинацире çӗнтерчӗç. Кунсăр пуçне Наталия «Жизнь замечательной семьи» сочиненисен конкурсӗнче те мала тухса Диплома тивӗçрӗ.

  
• 10 сентября 2023

  Чăваш кӗнеке издательствинче Владимир Левуковăн «Ӗмӗр пӗрле пуласчӗ» кӗнеки пичетленчӗ

  Унта икӗ повеçпе тăватă калав кӗнӗ. Тутарстанри Аксу районӗнчи Кивӗ Тимушкел ялӗнче çуралса ӳснӗ автор произведенисенче хăй тăрăхӗнчи сăмах çаврăнăшӗсемпе, ваттисен сăмахӗсемпе тата каларăшсемпе анлă та вырăнлă усă курать, вӗсем хайлавсене илемпе чӗрӗлӗх кӗртеççӗ.

  
• 08 сентября 2023

  Чăваш коллективĕ Казахстанри этно-фестивале хутшӑннă

  Казахстанри Алмата хулинче «Алматы — культурная и туристическая столица Шанхайской организации сотрудничества» проект шайĕнче кашни çул иртекен халăхсен хушшинчи «Улы дала-кошпенділер элемі» этно-фестивальне Хусанти çамрăксен «Ӗмӗт» ансамблӗ хутшăннă. Мероприяти «Боралдай сакс курганӗсем» археологи паркӗн территоринче иртнӗ.

  
• 29 августа 2023

  И.КАЗАНКОВА ЧĂВАШ ЕН ЧЫСЛАНĂ

  Савăнăçлă хыпар çитрӗ. Пирӗн хисеплӗ ентеше, мецената, Элкел районӗнчи Сиктӗрмере çуралса ӳснӗ, «Звениговский» ял хуçалăх производствин кооперативне 44 çул ертсе пыракан Иван Иванович Казанкова «Чăваш Республики умӗнче тава тивӗçлӗ ӗçсемшӗн» орден медалӗпе чысланă. Кун çинчен Указа Чăваш Ен Пуçлăхӗ Олег Николаев августăн 25-мӗшӗнче алă пуснине хыпарлать Чăваш Ен Правительствин сайчӗ.

  
• 04 июля 2023

  Июлӗн 8-мӗшӗнче чăвашсене Сиктӗрме Уява кӗтет

  Июлӗн 8-мӗшӗнче Элкел районӗнчи Сиктӗрмере иртекен Тутарстан чăвашӗсен республика Уявӗн йӗркелӳçисем паян «Татар-информ» агентствăра журналистсемпе тӗл пулчӗç. Уява республикăран тата кӳршӗллӗ регионсенчен 80 ансамбль килессине тата кăçалхи çӗнӗлӗхсем çинчен Тутарстанри чăваш хӗрарăмӗсен союзӗн председателӗпе Сильвия Чаркинапа ТР культура министрӗн çумӗ Дамир Натфуллин каласа пачӗç.

  
• 24 июня 2023

  Нурлат Уяв картинче

  Çуллахи Микуларан пуçласа Питравччен юрласа савăнас йăлана республика чăвашӗсем çирӗп пăхăнаççӗ. Июнӗн 17-мӗшӗнче Нурлат та Уяв картине тăчӗ. Тӗп йăлана – усал-тӗселтен, инкек-синкекрен сыхлакан çӗр тӗнӗлне кăçал та районăн чи ватă, сумлă шурсухалӗ, Чăваш Менчинчи Алексей Дмитриевич Моисеев çапса кӗртрӗ.