News by tag - Чуваши Татарстана

19 мая 2024
Виталий МАТОРКИН: «Çемьепе пĕрле пуçтарăнсан юрлама юрататпăр»

Хуть кампа паллашсан та, тӗл пулсан та чи малтан çынна çакăн пек ыйту паратăп: «Эсир пирӗн Тукай районӗнчен-и?» Ара, Тукай районӗн хаçатӗнче ӗçлетӗп-çке, журналист ялан мӗнле интереслӗ çын çинчен çырмаллине шырать вӗт. «Çапла, эпӗ Тукай районӗнчен», — тесе хуравларӗ ак хальхинче çулташăм. Çапла паллашрăмăр та Виталий Маторкинпа нумай пулмасть Хусана «Сувар» хаçатăн юбилейне кайма тухсан. Вăл питӗ интереслӗ, хăйнеевӗрлӗ çын. Тата çакна та палăртас килет: ун питӗнчен йăл кулă каймарӗ.
19 мая 2024
Иртнине пĕлмесĕр пуласлăх çук

Кăçал Раççейре Çемье çулталăкӗ пулнине шута илсе Пухтелӗнчи Культура çуртӗнче «Асанне арчи» ятпа улах ирттертӗмӗр. Мерпориятин тӗллевӗ чăваш халăхӗн йăли-йӗркине упраса хăварса аталантарасси, хаклама вӗрентесси, çамрăк ăрăва паллаштарасси пулчӗ.
18 мая 2024
Чăнлăх çине куç хупмасăр пăхакан

Тутарстанри чăвашсен паллă сăвăçӗ, Раççейӗн тата Тутарстанăн сумлă вӗрентекенӗ, Тăхăрьялăн хастар таврапӗлӳçи Николай Трофимович Зимин çак эрнере 85 çул тултарчӗ.
27 апреля 2024
И.Я.Яковлев çуралнăранпа 176 çул çитнине халалласа Кăнна Кушкинче митинг иртрӗ

Теччӗсем кашни Чăваш чӗлхи кунне Кăнна Кушкинче И. Я. Яковлевăн палăкӗ умне чечек хунинчен пуçлаççӗ. Пӗр çул та митингсăр та, хăнасемсӗр те иртмест вăл. Кăçал та Мускавран, Ульяновск хулинчен, Чăваш Енрен, Хусантан, Çӗпрел, Пăва, Апас, Спас районӗсенчен чăвашсем килнӗччӗ.
27 апреля 2024
Апрелӗн 25-мӗшӗнче Пăва хулинче И.Я.Яковлевăн бюсчӗ уçăлчӗ

Иван Яковлевич Теччӗ тăрăхӗнче çуралса ӳснӗ пулсан, пӗлӳ тӗнчипе Кивӗ Пăрăнтăкри удел училищинче пуçласа паллашнă. Просветителӗн пурнăçӗнче Пăва уесӗ тарăн йӗр хăварнине кура кунти чăвашсем хăйсен хулинче палăк пулмаллах тесе йышăннă. Пăвари ЧНКЦ ертӳçи В. А. Ильин тăрăшнипе тата ентешӗсем пулăшнипе мӗн шутлани пурнăçланчӗ. Бюста И. Я. Яковлев çуралнăранпа 176 çул тата Чăваш чӗлхи кунӗнче савăнăçлăн уçрӗç.
31 марта 2024
Пурăн «Сувар» 100 çулччен

«Сувар» хаçат Хусанта çуралнă чăваш журналистикин йăлисене тӗпе хурса акă ӗнтӗ 30 çул республикăн пурнăçне тăван чӗлхепе çутатать. Регионти тӗрлӗ район чăвашӗсене пӗрле чăмăртакан хаçатăн пӗлтерӗшӗ çав тери пысăк, мӗншӗн тесен тăван чӗлхепе культурăна сыхласа малалла аталантарма пулăшать. Кунсăр пуçне кăçал «Шурăмпуç» журнал тухма тытăннăранпа та 105 çул çитрӗ. Хăйӗн 30 çулхи юбилейне «Сувар» мартăн 30-мӗшӗнче Хусанти Туслăх Çуртӗнче ирттерчӗ.
30 марта 2024
«Сувар» 30 çулхи юбилейне паллă тăвать

1993 çул Тутарстан чăвашӗсемшӗн историлле пулăмпа паллă. Халăх ыйтнипе Хусанта чăваш сасси çӗнӗрен янрама пуçлать. ТР пӗрремӗш Президенчӗн Минтимер Шаймиевăн указӗпе çав çул ТР Министрсен Кабинечӗ «Сувар» республика обществăпа политика хаçатне уçма йышăнать. Çапла майпа, ХХ ӗмӗрте Хусанта чăваш чӗлхипе тухнă виççӗмӗш (1906 — 1907 çулсенче «Хыпар», 1936 — 1963 çулсенче «Хӗрлӗ ялав») хаçат вăл.
12 марта 2024
Çӗнӗ Йӗлмелӗнче çурхи уяв

Пӗтӗм тӗнчери Хӗрарăмсен кунӗ умӗн Çӗнӗ Йӗлмел (Çӗпрел районӗ) Культура çуртӗнче пултарулăх отчечӗн концерчӗ иртрӗ. Харăсах виçӗ ăру, ача садӗнчисенчен пуçласа пенсионерсем таран, юрă-ташăпа савăнтарчӗç.
01 февраля 2024
Петр Мускатинова черетлӗ çӗнтерӳпе!

Раççей армрестлинг спорчӗн федерацийӗ январӗн 31-мӗшӗнче Санкт-Петербургра ирттернӗ «Вершина#19» профессиллӗ турнирта пирӗн ентеш, армрестлингпа спорт мастерӗ, Çӗпрел районӗнчи Аслă Аксу ялӗн чăвашӗ Петр Мускатинов çӗнтерчӗ. Саламлатпăр!
12 января 2024
Совет Союзӗн Геройӗ Семен Уганин çуралнăранпа 100 çул

Январӗн 7-мӗшӗнче Семен Артемьевич Уганинăн 100 çуллăхне халалласа тăван Матак шкулӗ ялти обелиск çумӗнчи палăкӗ умне чечек хунă.
11 января 2024
Ăшă кăмăлӗ процедурăсенчен кая мар пулăшать

Валентина Николаевна Рафикова медицинăра 1983 çултанпа. Ешӗлвар хулинчи медицина училищинчен вӗренсе тухсан ӗç çулне Ульяновск облаçӗн больницин пульмонологи уйрăмӗнче пуçланă. Унтан Çӗпрел район больницинче яваплă ӗçсенче тăрăшнă. Акă ӗнтӗ 33 çул кунти хирурги уйрăмӗнчи физиотерапи кабинечӗн медицина сестри вăл. Чир хыççăн нумай пациента ура çине тăма пулăшать.
21 декабря 2023
Хусанта ачасем валли Чăваш Ёлки пулать!

Ку вырсарникун, декабрӗн 24-мӗшӗнче, Хусанти Туслăх Çуртӗнче (Павлюхин урамӗ, 57-мӗш çурт) чăваш ачисем валли Чăрăш уявӗ пулать. Пӗчӗк туссене пурне те кӗтетпӗр!
07 декабря 2023
Анат Кăтрата ачисем масмак мӗн иккенне те, ăна мӗнле тумаллине те пӗлеççӗ халӗ

«Пушкинская карта» федераллă программăпа килӗшӳллӗн Чистай районӗнчи Анат Кăтрата Культура çурчӗ декабрӗн 1-мӗшӗнче мастер-класс ирттерсе вырăнти шкул ачисене масмак тума вӗрентнӗ. Кун çинчен Культура çурчӗ социаллă сетьсенчи хăйӗн страницинче хыпарлать.
30 ноября 2023
Саплăксем «Новый век» телерадиокомпанин премине тивӗçнӗ

Çӗпрел районӗнчи Алешкин Саплăк шкулӗнче 8-мӗш класра вӗренекенсем конкурса «Акатуй» чăваш ташшипе хутшăнса мала тухнă.
10 ноября 2023
Окоп чавнă Мария Петровна Шуркина 102 тултарчӗ

Мария Петровна паянхи кун та хаçата куçлăхсăрах вулать-ха, хăйех такмак çырса юрлать. Пахчинче пӗчӗк утарӗ те пур.

❮ Назад Далее ❯