News by tag - обряды и традиции

21 августа 2026
Хулаçырминче çамрăксем улаха хутшăннă

Августăн 19-мӗшӗнче, каçхине Çӗпрел районӗнчи Хулаçырми ялӗнчи культура çурчӗ умӗнче каччăсемпе хӗрсем «Улах каçне» пуçтарăннă. Мероприяти «Лето в Татарстане» республика проекчӗ шайӗнче иртнӗ.
06 июня 2026
Паснапуçӗнче Çимӗке анлăн уявларӗç

Çӗпрел районӗнчи Чăваш Паснапуç ялӗнче Çимӗке пит анлă ирттернӗ. Кун пирки пире ТР Чăваш хӗрарăмсен союзӗн Çӗпрелӗнчи уйрăмӗн пайташӗ Г.В.Кудряшова пӗлтерчӗ. Ялти Культура çурчӗн заведующийӗ Лидия Петровна Герасимова пуçарнипе ял-йыш, хăнасем валли çав тери хитре уяв йӗркеленӗ. Ялти шкулăн директорӗ Галина Васильевна Кудряшова пулăшса пычӗ. Çӗпрел район администраци пуçлăхӗн çумӗ Алексей Егорович Ярухин Çимӗкпе саламласа сăмах тухса каларӗ.
30 апреля 2026
«Халăх йăлисен управçи «Илемпи»

ТР Халăхсен ассамблейи, ТР ЧНКА тата ун çумӗнчи Чăваш хӗрарăмсен союзӗ, Хусанти Туслăх Çурчӗ йӗркеленӗ мероприятие Аксу, Çӗпрел, Элмет, Элкел, Теччӗ, Çӳлту районӗсенчен, Хусанпа Çырчалли хулисенчен тӗрлӗ профессире тăрăшакан 25 хӗрарăм хутшăнчӗ. Чи асли 90 çул тултаракан Хӗртилет кинеми пулчӗ.
22 апреля 2026
Çемье йăли-йӗрки объективра

Тутарстанра пурăнакан çемьесене «Мама и дети в национальных костюмах» халăхсен хушшинчи фотоконкурса хутшăнма чӗнеççӗ.
04 апреля 2026
Вăйă пӗлӳ шайне ӳстерет

Анат Кама хулинчи 34-мӗш гимназире «Чăваш чӗлхине лайăх пӗлекенсем» мероприяти иртрӗ. Ăна кӗçӗн классене вӗрентекен опытлă педагог Ирина Ивановна Третьякова ирттерчӗ. Конкурс шкул ачисен чăваш чӗлхине пӗлнин шайне тӗрӗслеме кăна мар, тăван культурăна, унăн историйӗпе тата йăла-йӗрке пуянлăхӗпе кăсăкланассине аталантарма та пулăшать.
03 апреля 2026
«Никрут юррин» суйлав турӗсем пуçланчӗç

Мартӑн 28-мӗшӗнче Аксу районӗнчи Кивӗ Саврӑш ялӗнче «Никрут юрри» фестиваль-конкурсӑн зонăри тапхӑрӗ иртрӗ. Салтака юрласа ăсатасси – çитӗнекен ăрăва патриотла воспитани парас ӗçре пысăк вырăн йышăнать, вăл халăх пултарулăхӗн пӗр пайӗ, чăвашсен пурнăçӗнче çирӗп вырăн йышăннă йăла.
29 ноября 2025
Чӑваш ялӗсенче кӗрхи уявсем пыраççӗ

«Кӗрхи сăра» та, кӗнеке хăтлавӗ те ирттертӗмӗр, çитес çулхи ӗçсене палăртрăмăр
17 ноября 2025
Пушкăртстанра иртнӗ «Этнокраса» фестивальте чăваш культурипе паллаштарнă

Иртнӗ эрнекун Пушкăртстанра фольклорпа халăх йăли-йӗркисен «Этнокраса» фестивалӗ иртнӗ. Уяв ноябрӗн 14-мӗшӗнче Авăркас районӗнчи Толбазă ялӗнче пулнă. Кун пирки Çтерлӗри ЧНКАн пресс-служби пӗлтерет.
10 ноября 2025
Кӳршӗсем улаха пуçтарăннă

Пушкăртстанри Пелебей районӗнчи Кивӗ Сименке ялӗнчи чăвашсем улаха пухăннă. Ламран-лама куçакан йăла-йӗркене сыхласа хăварас тӗллевпе мероприятие вырăнти культура çурчӗн ӗçченӗсемпе «Çăлкуç» фольклор ушкăнӗн пайташӗсем йӗркеленӗ. Кун пирки «Урал сасси» хаçат пӗлтерет.
17 июля 2025
Раççейри пӗрлехи фольклор кунĕ

Июлӗн 17-мӗшӗнче Раççей çыннисем çӗнӗ, анчах та халăх хушшинче анлă сарăлнă Раççейри пӗрлехи фольклор кунне паллă тăваççӗ. Уява Раççей Президенчӗн Владимир Путинăн Указӗпе паллă тума палăртнă. Ăна пирĕн çĕршывра пурăнакан халăхсен укçа-тенкĕпе çыхăнман еткерне упраса хăварас тĕллевпе ирттереççӗ.
16 июля 2025
Крешӗнсен Питрава чӗнеççӗ

Ку шăматкун, июлӗн 19-мӗшӗнче Мамадыш районӗнчи Зюри ялӗ çывăхӗнчи «Тырлау» лапамӗнче кӗрешӗнсен наци уявӗ «Питрау» иртет. Уяв хальхинче те анлă пуласса, ăна курма 50 пин çын килессе шанаççӗ йӗркелӳçӗсем. Кун пирки «Татар-информ» агенствăра иртнӗ пресс-конференцире Мамадыш районӗн культура уйрăмӗн пуçлăхӗ Степан Спиридонов каласа пачӗ.
03 июля 2025
«Пурнăç йывăççи» проект салтак ăсатас йăласемпе паллаштарчӗ

Июлӗн 2-мӗшӗнче Хусанта Горький ячӗллӗ паркра «Пурнăç йывăççи» проект шайӗнче Атăлçи тăрăхӗнче пурăнакан халăхсен салтак ăсатас йăлисене кăтартрӗç. Сакăр халăх – вырăссем, чăвашсем, тутарсем, кӗрешӗнсем, мăкшăсем, удмуртсем, марисем тата пушкăртсем – хăйсен йăли-йӗркипе паллаштарчӗ.
19 июня 2025
Нурлатра республика Уявӗ пулать

Июнӗн 29-мӗшӗнче Нурлатра Тутарстан чăвашӗсен авалтан пыракан тӗп праçникӗ – республика Уявӗ – иртет.
18 июня 2025
Июнӗн 24-мӗшӗнче Шупашкарта Акатуй иртет

Чăваш Енре иртекен ака-суха уявне кăçал Чӑваш автономи облаçне йӗркеленӗренпе 105 çул çитнине халалланă.
12 июня 2025
Çӗпрелӗнче Акатуй кӗрлерӗ

Çураки вӗçленсен иртекен уяв кăçал июнӗн 6-мӗшӗнче пулчӗ. Акă ӗнтӗ темиçе çул Акатуй площадки улшăнмасть. Район чăвашӗсем Çӗнӗ Упи ялне пухăнса савăнаççӗ кунта. Хаклă хăнасен йышӗнче кăçал район администраци пуçлăхӗ Марат Гафаров, унăн çумӗ Алексей Ярухин, РФ Федераллă Пухăвӗн Патшалăх Думин депутачӗ, Çӗпрел районӗн хисеплӗ çынни Ильдар Гильмутдинов, ТР Патшалăх Канашӗн депутачӗ Николай Нефедов, ТР ЧНКА Канашӗн председателӗн вӗрентӳ енӗпе çумӗ, «Сувар» хаçатăн тӗп редакторӗ Ирина Трифонова, ТР Чăваш хӗрарăмӗсен союзӗн председателӗ Сильвия Чаркина пулчӗç.