News by tag - Знай наших

19 августа 2026
Çамрăк специалистсен хушшинче ирттерекен профессиллӗ ăсталăх конкурсӗнче чăваш каччи çӗнтернӗ

Анат Кама хулинчи «Нижнекамскшина» предприяти çулсерен заводра ӗçлекен çамрăк специалистсен хушшинче профессиллӗ ăсталăх конкурсӗ ирттерет. Кăçал та çак уйăхра ирттернӗ ăмăртăва. Августăн 12-мӗшӗнче çӗнтерӳçӗсем кам пулнине сумлă жюри палăртнă. Вулканизаторсен хушшинче теорипе те, практикăпа та чи-чи нумай балл пухса чăваш каччи, Аксу районӗнчи Саврăшпуçӗнче çуралса ӳснӗ Яков Максимов çӗнтернӗ кăçал. Пӗл пирӗннисене!
16 февраля 2026
Богдан Каримовпа Дмитрий Никитин «Снежная битва» бахăра çӗнтернӗ

Иртнӗ канмалли кунсенче – февралӗн 14-15-мӗшӗсенче – Мускав çывăхӗнчи «Алискино Мотоспорт Арена» автоспорт комплексӗнче «Снежная битва» баха, урăхла каласан ралли-рейд, иртнӗ. Унта Çырчаллинчи «КАМАЗ-мастер» командăран Богдан Каримов пилотпа Дмитрий Никитин штурман хутшăннă.
13 сентября 2025
Кӗçӗн Сӗнчелӗнчи Культура çурчӗн ертӳçи Вера Уканеева грант выляса илнӗ

Кӗçӗн Сӗнчелӗнчи Культура çуртне ертсе пыракан Вера Викторовна Уканеева Тимченко фончӗ ирттернӗ «Добрый спорт» конкурса хăйӗн проекчӗпе хутшăнса çӗнтернӗ, 255 пин тенкӗ грант выляса илнӗ.
22 июня 2025
Тури Услонра пурăнакан чăваш хӗрарăмӗ Валентина Бушуева «Четыре дачи» телепроекта хутшăннă

«Четыре дачи» телепроектăн III сезонӗн майăн 10-мӗшӗнче тухнă кăларăмне Тутарстанра ӳкернӗ. Марина (Усады поселокӗ), Влада (Çӳлту поселокӗ), Валентина (Тури Услон ялӗ), Руфина (Хусан) пӗринчен тепри пултаруллă та маттур пахчаçăсем, кил хуçи хӗрарăмӗсем. Кашни хăйне май интереслӗ. Валентина вара проектра хăйне наци урлă уçса пама йышăннă. Хăнасене вăл чăваш йăлипе çăкăр-тăварпа, наци апачӗпе кӗтсе илчӗ. Пахчи юмахри пек. Пур кӗтесре те тирпей-илем хуçаланать, чечекӗсене, улма-çырла йывăçӗсене юратса пăхни тӳрех палăрать, парникӗ те ытти пахчаçăсемшӗн ăмсанмалли. Пахча мар – ӗмӗт!
20 июня 2025
«КАМАЗ-мастер» малта!

«КАМАЗ-мастер» команда чи вăйли пулнине «Урал рубеж» ăмăртура тепӗр хут ӗнентерчӗ. Финиша чăн малтан Богдан Каримов ушкăнӗ, штурманӗ хамăр ентеш, чăваш каччи Дмитрий Никитин, çитнӗ.
15 июня 2025
Анат Кăтратари Сергей Ильинăн тепӗр орден

Дмитрий Донской ячӗллӗ 51-мӗш парашютпа десант полкӗн (Тула хули) гварди кӗçӗн сержанчӗ, уйрăм командирӗ Сергей Иванович Ильин – Чистай районӗнчи Анат Кăтрата каччи.
01 июня 2025
Степановсем 55 çул пӗрле

Çемье çавăрнăранпа 55 çул çитни вăл хитре уяв кăна мар, пӗр-пӗрне юратса, йывăрлăхсене çӗнтерсе, савăнăçа пӗрле пайласа мăшăрпа юнашар пурăннă вăрăм ӗмӗр. Майăн 30-мӗшӗнче Чистай хулинче пурăнакан Степановсем изумруд туй паллă тăваççӗ.
31 мая 2025
Хусанти форума чăваш хӗрӗ капăрлатнă

Нумай пулмасть Хусанта тӗнче шайӗнчи пысăк мероприяти KazanForum Халăхсен хушшинчи экономика форумӗ иртрӗ. Яланхилле питӗ çӳллӗ те чаплă шайра. «Казань Экспо» Халăхсен хушшинчи курав центрӗн павильонӗсене, бизнес-секци, концерт залӗсене, медиа-центр таранччен питӗ те капăр илемлетнӗччӗ. Уйрăмах И.Шакиров ячӗллӗ концерт залӗпе «Хӗрарăм курăмӗ» секцин ӗç площадки капăрлăхпа палăрса тăчӗç.
21 мая 2025
Петр Мускатинов Санкт-Петербургран çӗнтерӳпе таврăннă

Раççей Армрестлинг спорчӗн федерацийӗ майăн 19-мӗшӗнче Санкт-Петербургра «Вершина#35» профессиллӗ турнир ирттернӗ. Унта пирӗн ентеш, армрестлинг енӗпе спорт мастерӗ, Çӗпрел районӗнчи Аслă Аксу ялӗнче пурăнакан Петр Мускатинов хутшăннă.
18 февраля 2025
Петр Мускатинов çӗнтерӳçӗсен йышӗнче!

Нумаях пулмасть Мамадышра йӗлтӗрпе чупассипе республика чемпионачӗ иртнӗ. Çанталăка пăхмасăр ăмăртăва Тутарстанăн тӗрлӗ кӗтесӗсенчен сывлăх енчен çирӗп мар 60 йӗлтӗрçӗ хутшăннă. Ăмăртусем 5 километр дистанцире икӗ ӳсӗм категорийӗнче (20 çулччен тата аслăрах) иртнӗ.
29 января 2025
Раççей Президенчӗн полномочиллӗ представителӗн çумӗ пулма пирӗн йăхташăмăра Александр Тихонова çирӗплетнӗ

Январӗн 28-мӗшӗнчен Паттăрлăх орденне виçӗ хутчен тивӗçнӗ Александр Тихонов Раççей Президенчӗн Федерацин Атăлçи округӗнчи полномочиллӗ представителӗн çумӗн тивӗçӗсене пурнăçлать.
15 сентября 2024
Ача-пăча пархатарӗнчен ырри çук

Чăваш халăхӗ пултаруллă ывăл-хӗрӗпе сумлă. Ӗçченлӗхпе, сăпайлăхпа палăрса тăраканскерсене пур халăх та хисеплет. Александра Федоровна Степченко çавăн пек пултаруллисенчен пӗри.
10 декабря 2023
Миша ташламах çуралнă

Хусанти 47-мӗш шкулта вӗренекен чăваш ачи Миша Спирин ташлас енӗпе Тутарстан чемпионӗ.