News by author - Ирина Кузьмина
-
Сентябрӗн 13-мӗшӗнчен ял хуçалăх ярмарккисем тытăнаççӗ
Ял хуçалăх ярмарккисем кăçал сентябрӗн 13-мӗшӗнчен пуçланаççӗ те декабрӗн 28-мӗшӗчченех пыраççӗ. Вӗсем Хусан хулинче – 14, Çырчалли, Ешӗлвар, Анат Кама хулисенче – 2-шер, Анат Кама районӗнчи Камские Поляны хула евӗрлӗ поселокра 1 площадкăра иртеççӗ.
-
Чăваш Шупашкарӗнчи Ильдуловсене медаль панă
Августăн 23-мӗшӗнче Çӗнӗ Шуçăм районӗнчи Чăваш Шупашкарӗ Ял кунне хаваслăн паллă тунă. Нумай хăнапа ял-йыш пухăннă уява. Яланхи пекех хальхинче те ялăн чи ваттипе чи çамрăк гражданӗсене, çавра çула çитнисене, нумай çул пӗрле пурăнакан юбиляр-çемьесене, яла аталантарма хутшăнакансене чысланă. Ятарлă çар операцийӗнчи ентеш-салтаксене хастар пулăшакан волонтерсене вара уйрăммăн тав тунă.
-
Хулаçырми ачисене çӗнӗ спорт залӗ кӗтет
Çӗпрел районӗнчи Хулаçырми вăтам шкулӗн ачисене çӗнӗ вӗренӳ çулӗ юсаса çӗнетнӗ спорт залӗпе тата шкул умӗнчи илемлӗ тӳремпе кӗтсе илет. Шупашкарти «Тус» акционерлă обществăн тата Ульяновск хулинчи «Монолит ЖБИ» тулли мар яваплăхлă обществăн генеральнăй директорӗсем Николай Федорович Угасловпа Виктор Кузьмич Мугин хăйсен çамрăк ентешӗсене ятарласа Сентябрӗн 1-мӗшӗ тӗлне çакăн пек парне тунă.
-
Хусанта чăн-чăн чăваш çемйи çуралчӗ
Туктаровсем хальлӗхе темиçе хулара – Хусанта, Анат Камăра, Мускавра пурăнаççӗ-ха, тӗпрен илсен, интернет урлă ӗçлеççӗ. Çитес вăхăтра Хусанта тӗпленес шухăш пур
-
Тăшман хура ӗçе ачасемпе водительсене явăçтарать!
Диверсипе терроризм акцийӗсене йӗркелекенсем юлашки вăхăтра курьер тивӗçтерӗвӗпе, тиеве çитерессипе ӗçлекен харпăр компанисен водителӗсемпе ӗçлеме тытăннине хыпарлать ТР Терроризма хирӗç ӗçлекен комисси.
-
Тутарстанра куçса çӳрекен «Паттăрăн ашшӗ» фотокурав кашни района çитет
«Единая Россия» партин Тутарстанри уйрăмӗ, «Защитники Отечества» фондăн Тутарстанри филиалӗ, Республикăри «Аттесен Канашӗ» тата «Офицерсен арăмӗсемпе çар çыннисен çемйисен союзӗ» тӗрев панипе республикăра «Паттăрăн ашшӗ» проект хута кайнă
-
Пӗр гектартан 58 центнер
ТР Раисӗ Рустам Минниханов августăн 13-мӗшӗнче ТР ял хуçалăхпа апат-çимӗç министрӗпе Марат Зяббаровпа тата Теччӗ районӗн администраци пуçлăхӗпе Рамис Сафиулловпа пӗрле Пăхăрçă ялӗн çывăхӗнче механизаторсемпе тӗл пулса вырмара палăрнă комбайнерсене чысланă.
-
Конкурс укçипе çул сарнă
Нурлат хулин Анат Нурлат микрорайонӗнчи Газовая тата Анат Нурлат урамсемпе масар патне çуран та, транспортпа та çитме чăрмав çук халӗ.
-
Хусан варринче – Нарспипе Сетнер
Паян, августăн 15-мӗшӗнче, Хусанти «Татмедиа» çурчӗ çумӗнчи Фестиваль бульварӗнче К.Иванов çуралнăранпа 135 çул çитнине халалласа музыкăпа поэзи фестивалӗ иртрӗ. Хусан çыннисемпе хăнисем валли ăна «Сувар» хаçат коллективӗ «Татмедиа» АО, ТР ЧНКА тата ун çумӗнчи Чăваш хӗрарăмӗсен союзӗпе пӗрле ирттерчӗ.
-
1,8 миллион тенкине çухатнă
Анат Камăри 27-ри каччă хăйӗн çуралнă кунӗнче парне илес вырăнне çука тăрса юлнă. Ултавçăсем 1,8 миллион тенке парăма кӗртнӗ ăна.
-
«Василёк» ача сачӗн пӗчӗк шăпăрланӗсем фронта пулăшаççӗ
Ульяновск облаçӗнчи Чертаклă районӗнчи Октябрьски поселокӗнчи «Василёк» ача садӗнче нумай çул ӗçлекен Марина Константиновна Николаева «Рубеж» çар ветеранӗсен регионсен хушшинчи обществăлла организацийӗн «За содействие СВО» медальне тивӗçрӗ. Наградăпа организацин Ульяновск хулипе облаçӗн уйрăмӗн председателӗ Владимир Егорович Ярухин Ульяновскри Винновская ращинче иртнӗ Акатуйра чысларӗ.
-
Чăваш Шупашкарӗнче пурăнакан Ильдуловсем фронта тепӗр мотоцикл ăсатрӗç
Çӗнӗ Шуçăм районӗнчи Чăваш Шупашкарӗнче пурăнакан Ильдуловсемпе «Сувар» вулаканӗсене паллаштарсах тăратпăр. Фермерсен çемйи районăн социаллă экономикине кăна мар, волонтер ӗçне те хастар хутшăнать. Нумай пулмасть кăна-ха Людмила Ивановнăпа Сергей Васильевич Ильдуловсем ятарлă çар операцине контрактпа кайнă ентешне Саша Ваганова «Эндуро Кросс 250» мотоцикл туянса волонтерсем урлă парса ячӗç.
-
Салтаксем нурлатсен пулăшăвне кӗтеççӗ
Нурлат – ятарлă çар операцийӗ пуçлансан салтаксене гуманитари пулăшăвӗ леçме тытăннă чи пирвайхи районсенчен пӗри республикăра. Паян кунта волонтерсен ушкăнӗ темиçе те. Вӗсенчен пӗринпе, Тутарстанри Афган, ытти вăрçă ветеранӗсемпе инваличӗсен обществăлла организацийӗн Нурлат районӗнчи уйрăмӗ çумӗнче йӗркеленнӗ «Все для Победы Нурлат» фондпа эпир республика Уявӗнче паллашрăмăр. Волонтерсем ун чух 17-мӗш гуманитари пулăшăвне леçсе таврăннă кăначчӗ-ха, хальхинче Белгородпа Курск облаçӗсенчи 16 çар подразделенине çитсе килнӗччӗ вӗсем.
-
Тăшмана сутнăшăн 22 çула лартнă
Украинăн ятарлă служби тимлӗхре тытакан пире хирӗç çар пӗрлешӗвӗнче тăракан 35-ри Çырчалли арçыннине тытса чарнă.
-
Çемье юнашар пулсан пӗр-пӗрне пулăшма çăмăл
Теччӗ районӗнчи Чăваш наципе культура автономийӗн ертӳçин Володар Аркадьевич Тимофеевăн çемйишӗн июлӗн 12-мӗшӗ паллă кун. Зоя Ильиничнăпа вӗсен кăçал ылтăн туй! Юбилярсене район Çемье, юрату тата шанчăклăх кунӗнче, июлӗн 8-мӗшӗнче, администрацие чӗнсех саламланă.