News by author - Оксана Бердникова

• 02 июня 2026

  Пенсионерсем стройра!

  Иртнӗ эрне вӗçӗнче Хусанти «Олимп» культурăпа спорт комплексӗнче пенсионерсен республикăри спартакиади 16-мӗш хут иртрӗ. Ăна Раççейри Халăхсен пӗрлӗхӗн çулне тата Тутарстанри Çар тата ӗç паттăрлăхӗн çулталăкне халалланă.

  
• 02 июня 2026

  Ачаллă çемьесене парăнакан çӗнӗ тӳлев

  Июнӗн 1-мӗшӗнчен Раççейре, çав шутра Тутарстанра та, социаллă пулăшăвăн çӗнӗ мери ӗçлеме пуçланă. Тӳлеве икӗ е ытларах ача ӳстерекенсем илме пултараççӗ. Вăл «Семья» наци проекчӗпе килӗшӳллӗн парăнать.

  
• 01 июня 2026

  «Защитники Отечества» патшалăх фончӗн регионти уйрăмӗсем виçӗ çул ӗçлеççӗ

  Виçӗ çул каялла, июнӗн 1-мӗшӗнче, Раççей Президенчӗн Указӗпе пирӗн çӗршывăн пур регионӗнче те «Защитники Отечества» Патшалăх фончӗн филиалӗсем ӗçлеме пуçларӗç. Çак хушăра ятарлă çар операцийӗн ветеранӗсене тата вӗсен çемйисене пулăшмалли принциплă çӗнӗ тытăм пулса тăчӗç вӗсем.

  
• 01 июня 2026

  340 пин çын санитарипе экологи икӗ уйăхлăхне хутшăннă

  Тутарстанра апрелӗн 1-мӗшӗнчен пуçласа майăн 31-мӗшӗччен санитарипе экологи икӗ уйăхлăхӗ иртрӗ. Çак вăхăтра ирттернӗ экологи мероприятийӗсене республикăра пурăнакан 340 пин ытла çын хутшăннă, 8 пин ытла техникăпа усă курнă, пурӗ 274 пин кубометр çуп-çап пуçтарнă, 200 пине яхăн йывăç лартнă. Кун пирки ТР Министрсен Кабинетӗнче шăматкун иртнӗ канашлура ТР экологипе çутçанталăк ресурсӗсен министрӗ Азат Зиганшин пӗлтернӗ.

  
• 01 июня 2026

  Çуллахи каникул вăхăтӗнче ачасен прависене хӳтӗлекен хӗрӳ лини ӗçлет

  Тутарстан Республикинчи ачасен прависемпе ӗçлекен уполномоченнăйӗ çуллахи сывлăха çирӗплетмелли кампани умӗн «Лето с Уполномоченным» çӗнӗ проект пуçланни пирки пӗлтернӗ. Пуçарăвăн тӗллевӗ – республикăра ача-пăча канăвӗн хăрушсăрлăхне тата пуянлăхне тивӗçтересси.

  
• 29 мая 2026

  Тутарстанран «Зарница 2.0» округ тапхăрне хутшăнакан командăсем паллă

  Хусанта «Зарница 2.0» çарпа патриотизм вăййин республика тапхăрӗ вӗçленчӗ. Виçӗ кун хушшинче хутшăнакансем тактика медицининче, çар хатӗрленӗвӗнче, çар эстафетинче, çавăн пекех çарпа учет специальноçӗсемпе – командир, БПЛА операторӗ, военкор, сапер, связист, штурмовик тата медик – уйрăм тӗрӗслевсенче тупăшнă.

  
• 29 мая 2026

  «Созвездие-Йолдызлык» фестивалӗн çӗнтерӳçисене ТР Раисӗн патшалăх стипендине парӗç

  Июнӗн 1-мӗшӗнче, Пӗтӗм тӗнчери ачасене хӳтӗлемелли кун, ТР Министрсен Кабинетӗнче «Созвездие-Йолдызлык» республикăри çамрăксен эстрада искусствин XXVI уçă телекурав фестивалӗн çӗнтерӳçисене ТР Раисӗн Рустам Миннихановăн ятарлă патшалăх стипендийӗсене парас церемони иртет. Кун пирки ТР Çамрăксен ӗçӗсен министерствин пресс-служби пӗлтерет.

  
• 28 мая 2026

  Патшалăх çурт-йӗр фончӗ Тутарстанри 1,2 пин ытла çемьене хваттерпе тивӗçтернӗ

  Çулталăк пуçланнăранпа Патшалăх çурт-йӗр фончӗ социаллă ипотека программипе Тутарстанра пурăнакан 1279 çемье хăйӗн пурăнмалли условийӗсене лайăхлатма пулăшнă. Республикипе пурӗ 31 çурта хута янă, пӗтӗмӗшле лаптăкӗ 65,1 пин тăваткал метр. Ку çулталăкри планăн пӗтӗмӗшле калăпăшӗн 43,2 проценчӗпе танлашать.

  
• 28 мая 2026

  Нурлатсем 30-мӗш хут гуманитари пулăшăвӗ леçме каяççӗ

  «Все для Победы Нурлат!» фонд çывăх вăхăтра хăйӗн вăтăрмӗш, юбилейлă гуманитари рейсне тухать. Хальхинче икӗ кун хушшинче волонтерсен Курск, Белгород, Луганск, Донецк, Херсон тата Запорожье облаçӗсенче вырнаçнă 30 çар подразделенине çитмелле, унта тăракан çар çыннисем валли кирлӗ япаласем илсе çитермелле.

  
• 28 мая 2026

  Хусанта «Россия – АСЕАН» саммит пулать

  Июнӗн 17-мӗшӗнчен пуçласа 19-мӗшӗччен Тутарстанăн тӗп хули каллех тӗнчери политика аренин лидерӗсен тӗлпулу вырăнӗ пулса тăрӗ. Хусан Раççей – Кăнтăр-Хӗвелтухăç Ази патшалăхӗсен ассоциацин (АСЕАН) пиллӗкмӗш саммитне йышăнать. Саммит статусне тата тӗп хулине Раççей Президенчӗ Владимир Путин официаллă майпа палăртнă, тивӗçлӗ указа апрелӗн 21-мӗшӗнче алă пуснă.

  
• 27 мая 2026

  «Иванов вулавӗсем» иртнӗ

  Май уйăхӗн 20-мӗшӗнче Шупашкарти Литература музейӗнче филологсем, студентсем, музей тата архив ӗçченӗсем пуçтарăннă. Унта Константин Иванов çуралнăранпа 136 çул çитнине халалланă регионсем хушшинчи «Иванов вулавӗсем» наукăпа практика конференцийӗ иртнӗ.

  
• 26 мая 2026

  Хусанта Ачасене хӳтелемелли куна мӗнле паллă тăвӗç

  Тутарстанăн тӗп хули Пӗтӗм тӗнчери ачасене хӳтӗлемелли куна анлăн паллă тума хатӗрленет. Май уйăхӗн вӗçӗнчен пуçласа июнӗн 1-мӗшӗччен Хусанти парксем, скверсем, стадионсем çамрăк хула çыннисемпе вӗсен ашшӗ-амăшӗ валли уяв площадкисем пулса тăрӗç.

  
• 26 мая 2026

  СВО ветеранӗ Денис Балмышев Калмаш ял хутлăхне ертсе пырӗ

  Тукай районӗнче иртнӗ канашлура район пуçлăхӗ Камиль Назмиев Калмаш ял хутлăхӗн çӗнӗ ертӳçипе паллаштарнă. Çак должноçа ятарлă çар операцийӗн ветеранне Денис Владимировича Балмышева суйланă.

  
• 26 мая 2026

  Сасăлава 380 пине яхăн çын хутшăннă

  Тутарстанри обществăлла вырăнсене тирпей-илем кӗртмелли Пӗтӗм Раççейри сасăлав малалла пырать. Майăн 25-мӗшӗ тӗлне республикăри районсемпе хуласенчи 178 объектран пӗриншӗн 379 314 çын сас панă. Кун пирки ТР Строительство, архитектура тата ÇКХ министерствин пресс-служби пӗлтерет.

  
• 25 мая 2026

  Тутарстан Раççей экономикишӗн чи илӗртӳллӗ вунă регионсен шутӗнче

  РФ Правительстви çумӗнчи Финанс университечӗн 2026 çулхи пӗрремӗш кварталта ирттернӗ тӗпчевӗ тăрăх республика экономика аталанăвӗ енчен чи илӗртӳллӗ Раççей регионӗсен шутне кӗнӗ.