News by author - Ирина Трифонова

• 08 августа 2025

  Газовика савăнса кӗтсе илмелле

  Газпа хăрушсăрлăх техникине пăхăнмасăр усă курнипе çуллен нумай çын шар курать. Шел, вилекенсем те пур. Кăçалхи 7 уйăхра кăна республикăра тӗрлӗ инкексен 213 пулăмне шута илнӗ. Çав шутран сӗрӗм тивнипе 28 çын аптранă, вӗсенчен 8-шне çăлса хăварайман. Газ сирпӗннипе 59 пушар тухнă, вӗсенче 30 çын пурнăçӗ татăлнă. Ытти пулăмсем газ пăрăхӗсем йӗркерен тухнипе (19 тӗслӗх), шăршă тухнипе (79), газ пăрăхӗсем шыв айне пулнипе (28) çыхăннă.

  
• 30 июля 2025

  Хусанта СВОна хутшăннисен хушшинче иртнӗ Абилимпикс чемпионатăн финалне Тутарстанран 16 тухнă

  Раççей Президенчӗ хăй сăмахӗнче Абилимпикс проект СВО участникӗсен таланчӗсене палăртма, профессире ӳсӗм тума, çӗнӗ компетенцие алла илме пулăшнине тата вӗсен çитӗнӗвӗсем фронтри юлташӗсене те хавхалантарнине каланă. Чемпионат ятарлă çар операцийӗнче пулнисене, унтан аманса, сусăрланса таврăннисене социализацилеме пулăшать. Çапла майпа вӗсем патшалăх, общество тӗревне, хăйсен кирлӗлӗхне туяççӗ.

  
• 30 июля 2025

  Çӗнӗшуçăмсем ял пурнăçне модăна кӗртеççӗ

  Чăваш Шупашкар фермерӗсем патӗнче «Ял колхоз мар: яла мӗнле моднăй тумалла» паблик-тока хутшăннисем пулса курнă. Çак ятпа иртнӗ июлӗн 25-мӗшӗнче Çӗнӗ Шуçăм районӗнчи «Çемье» паркӗнче çӗнӗ форматлă мероприяти. Пуçаруçисем тата йӗркелекенсем – район ертӳлӗхӗ. Ăна ял хуçалăх сферинчи предпринимательство тренчӗсем, ял пурнăçне илӗртӳллӗрех те лайăхрах тăвас тӗллевпе ирттерме шутланă. Паблик-тока предприниматель-фермерсем, ӗç тăвакан влаçпа профильлӗ ассоциацисен, вӗрентӳ, бизнес, МХХ представителӗсем, Тутарстанăн паллă блогерӗсем, ял активисчӗсем хутшăннă.

  
• 08 июля 2025

  Тутарстанра туй тума 100 пин тенкӗ илме пулать

  Ку эрне Тутарстанра Ҫемье эрни пек иртет. Кашни хулапа Районта тӗрлӗ мероприятисем иртеҫҫӗ. Юбиляр-мӑшӑрсене чысланинчен пуҫласа нумай ачаллисене мини-автобуссем парасси таран.

  
• 08 июля 2025

  УЯВ – Чӑваш халӑхӗн чи ырӑ енӗсен палли

  Июлӗн 5-мӗшӗнче Элкел районӗнчи Сиктӗрмере иртнӗ Уявра пуçтарăннă халăха КПРФ лидерӗ Геннадий Зюганов саламларӗ. Хутшăнакансем çӗршывăмăрăн тӗрлӗ кӗтесӗнчен килсе çитнине шута илсен мероприяти Раççей шайӗнчи темелле. Унччен виçӗ çул тăршшӗ кунта республика Уявӗ пулчӗ. Çапла Тутарстанра умлă-хыçлă Нурлатрипе пӗрле икӗ Уяв кӗрлерӗ. Унсăр пуçне район шайӗнчисем – Аксура тата Павлăра.

  
• 07 июля 2025

  Июлӗн 9-мӗшӗнче «Ногай» хăна çуртӗнче тутарла тата чăвашла вӗренмелли кӗнекесен хăтлавӗ пулать

  Хăтлава пурне те хапăл туса кӗтеççӗ. Мероприяти Бауман урамӗнчи 19 çуртра (5 этажра), кăнтăрла иртсен 14.00 сехетре пуçланать. Кӗресси тӳлевсӗр.

  
• 02 июля 2025

  Shanu этно-джаз ушкăн çитес тунтикун Мускавра Алексей Козловăн клубӗнче концерт парать

  Пурнăç пӗр вырăнта тăмасть, Shanu ушкăнра та акă улшăнусем пулса иртнӗ. Дмитрий Лысов (джаз пианисчӗ, талантлă музыкант, аранжировщик) кайнă хыççăн ушкăнпа Андрей Руденко ӗçлеме пуçланă.

  
• 30 июня 2025

  Нурлатра иртнӗ Уявра Рустам Миннихановпа Олег Николаев пулса курчӗç

  Чăваш халăхӗн авалтан пыракан йăлисемпе пуян культури, çутçанталăкпа килӗшӳллӗ те шайлашуллă хутшăнăвӗсем, тӗнчекурăмӗ, тумтир эстетики, философилле шухăш-кăмăлӗ – çаксем йăлт таса та вăйлă çăлкуç евӗр тапса тухрӗç июнӗн 29-мӗшӗнче Нурлат хулинче иртнӗ республика шайӗнчи Уявра. Нумай çӗнӗлӗхпе тӗлӗнтерчӗç те тыткăнларӗç нурлатсем. Уяв лапамӗнче чăннипе куç тулл и илемччӗ.

  
• 28 июня 2025

  Нурлатри Уявра «Сувар» çырăнтаратпăр!

  «Сувара» хуть хăш уйăхран илсе тăма та çырăнма май пур

  
• 27 июня 2025

  «Созвездие – Йолдызлык» фестивалӗн театрӗ хусансен тепӗр юратнă вырăнӗ пулса тăчӗ

  «Созвездие – Йолдызлык» фестивалӗн генеральнăй продюсерӗпе Дмитрий Тумановпа час-час тӗрлӗ мероприятисенче тӗл пулма тӳр килет. Тӗрлӗ проектсем пирки каласа панă чух кашнинчех: «Эпир ача-пăча творчествин сферинче коррупцие тӗппипех кăклама пултартăмăр», – тет вăл кăмăллăн.

  
• 25 июня 2025

  Шупашкарта иртнӗ «Я женщина» конкурсăн финалне Раççейӗн паллă кинопа театр актерӗ Дмитрий Певцов килчӗ

  Хула кунӗнче, июнӗн 24-мӗшӗнче Шупашкарта ЧР патшалӑх оперӑпа балет театрӗнче «Я женщина» - «Эпӗ хӗрарӑм» республика конкурсӗн финалӗ иртрӗ. Çӗнтерӳçӗсен шутне Çӗпрел районӗнчи Алешкин Саплӑк ялӗнчи пӗтӗмӗшле пӗлӳ паракан шкулта чӑваш чӗлхипе литературине вӗрентекен Надежда Васильевна Григорьева та кӗчӗ. Вăл «Родом из Чувашии» номинацире 3-мӗш вырăн йышăнчӗ.

  
• 25 июня 2025

  Учӳк – туслăх фестивалӗ

  Чăваш халăх культурин питӗ хăйне евӗр йăла-йӗрки вăл. Авалхи тӗнпе пурăнакан йăхташăмăрсем çăлкуç патӗнче – кӗл васанӗ теççӗ сăваплă вырăна – ирхине вăкăр е така пусса Турра чӳклесе параççӗ. Çапла майпа хӗл лайăх каçнăшăн, тулăх тухăçшăн, кил-йыш тӗрӗс-тӗкел пурăнса ирттернӗшӗн тав тăваççӗ тата кăçал та лайăх тухăç пама, ырă пурнăç пиллеме ыйтаççӗ.

  
• 22 июня 2025

  Тури Услонра пурăнакан чăваш хӗрарăмӗ Валентина Бушуева «Четыре дачи» телепроекта хутшăннă

  «Четыре дачи» телепроектăн III сезонӗн майăн 10-мӗшӗнче тухнă кăларăмне Тутарстанра ӳкернӗ. Марина (Усады поселокӗ), Влада (Çӳлту поселокӗ), Валентина (Тури Услон ялӗ), Руфина (Хусан) пӗринчен тепри пултаруллă та маттур пахчаçăсем, кил хуçи хӗрарăмӗсем. Кашни хăйне май интереслӗ. Валентина вара проектра хăйне наци урлă уçса пама йышăннă. Хăнасене вăл чăваш йăлипе çăкăр-тăварпа, наци апачӗпе кӗтсе илчӗ. Пахчи юмахри пек. Пур кӗтесре те тирпей-илем хуçаланать, чечекӗсене, улма-çырла йывăçӗсене юратса пăхни тӳрех палăрать, парникӗ те ытти пахчаçăсемшӗн ăмсанмалли. Пахча мар – ӗмӗт!

  
• 14 июня 2025

  Чăваш шкулӗсене часах çӗнӗ кӗнекесем çитӗç

  Тутарстанри чăваш шкулӗсем кӗçех тăван литературăпа çӗнӗ кӗнекесем илӗç. Çӗнӗ вӗренӳ çулӗ умӗн питӗ те савăнтаракан хыпар. Ăна пире Тутар кӗнеке издательствин директорӗ Ильдар Сагдатшин пӗлтерчӗ. ТР Раисӗ çумӗнчи Тутар чӗлхине тата Тутарстанра пурăнакан ытти халăхсен чӗлхисене аталантарассипе комисси ӗçлеме пуçланăранпа наци вӗрентӗвӗпе çыхăннă ыйтусем хăвăрт татăлма пуçларӗç. Комисси ертӳçи Марат Ахметов çине тăнипе наци шкулӗсене планпа методика тата вӗрентӳ пособийӗсемпе тивӗçтерсе пыраççӗ, халӗ акă черет литература патне çитрӗ. Ильдар Сагдатшин пӗлтернӗ тăрăх, пурӗ 11 пин кӗнеке туяннă наци шкулӗсем валли. Сăмах чăваш, мари, мордва, удмурт шкулӗсем пирки. Кама мӗн чухлӗ кӗнеке парасси, вӗсене мӗнле майпа салатасси пирки пулчӗ пирӗн интервью издательство директорӗпе.

  
• 09 июня 2025

  Июнӗн 8-мӗшӗнче Çӗпрелӗнче Сабантуй иртрӗ

  «Мӗнле лайăх Сабантуй пулчӗ паян», «Прологӗ, прологӗ тата мӗн тери аван», «Пӗлтӗр те лайăхчӗ те кăçал тата вăйлăрах хатӗрленнӗ», тесе каланине нумай çынран илтме пулчӗ. Уяв лапамӗнчен халăх кăмăллăн калаçса килелле утрӗ çак кун.