Хуларан хулана ҫӳрекен автобуссемпе грузовиксене вӑхӑтлӑха чарнӑ

Ӗнер Тутарстанри автоҫулсем ҫинче автобуссемпе грузовиксемшӗн вӑхӑтлӑх чарусем кӗртнӗ. Начар метеорологи тата ҫул условийӗсене пула, ҫулсемпе  ҫӳрекенсене хӑрушсӑрлӑхпа тивӗҫтерес тесе М7, Хусан-Чӗмпӗр, Хусан-Оренбург ҫулсене хупнӑ.
Синоптиксен прогнозӗсемпе декабрӗн 26-27-мӗшӗсенче ҫанталӑк самай япӑхланать, ҫил ҫеккунтра 21 метр хӑвӑртлӑхпа вӗрет, юр хӗвет, вӑйлӑ тӑман ҫула лайӑх курма памасть. Сывлӑш температури - 22 градус таранччен анма пултарать.
Патшалӑх автоинспекцийӗ ҫулпа ҫӳрекенсене май пур таран хӑйсем пурӑнакан ял-хуласенчен трассӑсем ҫине кӑларасшӑн мар.
Енчен те ҫул ҫинче инкеке лексен 8(843)5333888 телефонпа шӑнкӑравласа пулӑшу ыйтмалла.