Хавхаланса ӗçлекенсем çӗнтереççӗ

Елабугăри ваттисемпе инвалидсен интернат-çуртӗнче пурăнакансем конкурсра çӗнтернӗ

Хула ăстисен «Часовня Михаила Архангела» картини «Летучий корабль» Халăхсен хушшинчи онлайн-конкурсра «Музыка деревянного кружева» номинацире I вырăн йышăннă. 
Конкурса «Страна Мастеров» сайтра ирттернӗ, çулçӳревсене, çутçанталăкăн илемлӗ вырăнӗсене, истори палăкӗсене тата çурçӗр регионӗсенчи культурăна тӗпчесе çынсене каласа, кăтартса парассипе çыхăннă. 
Картинăна модульлӗ оригами техникипе хатӗрленӗ. Пӗтӗмпе 8000 мудуль тума тӳр килнӗ. Çӗнтерӳçӗ-ӗçӗн авторӗ «Великолепная восьмерка» команда — Светлана Исмагилова (ӗç инструкторӗ), Татьяна Чабан, Валерия Камилова, Валентина Назарова, Инна Юшина, Геннадий Щукин, Анатолий Пименов, Артур Аминов.
Онлайн тапхăрта çӗнтернӗ «Часовня Михаила Архангела» картинăна Карелинчи Кижи утравнӗнче августăн 3-мӗшӗнче куçăн майпа иртекен конкурсра курса хаклӗç.
Çӗнтерӳçӗ-командăпа лайăхах паллаштарар. Кăçал «Великолепная восьмерка» I регионсен хушшинчи «Содружество регионов. Покори свою высоту» онлайн проекта хутшăннă. Унта Раççейӗн тӗрлӗ регионӗсенчи интернат-çуртсем хутшăннă — Ростов, Самара облаçӗсенчен, Пушкăртстанран, Карелинчен ... Ку проектпа хавхаланнă Елабуга ăстисем «Летучий корабль» конкурса савăнсах хутшăннă. ХVII ӗмӗрте Леликозеро ялӗнче лартнă Архангел Михаил Часовнине хăйсен ӗçӗнче кăтартас тенӗ. Çак истори палăкӗ çинчен пӗлме те кăсăк — ăна 1961 çулта Кижи утравне куçарнă, халӗ те часовня çавăнтах.

Сăнӳкерчӗкmtsz.tatarstan.ru сайтран.