News by tag - чувашские писатели

30 октября 2024
Хусанта Çеçпӗл Мишшин 125 çуллăхне халалланă литература каçӗ пулать

ТР Наци библиотекинче (Хусан, Пушкин урамӗ, 86 çурт ) ноябрӗн 1-мӗшӗнче 17:30 сехетре Çеçпӗл Мишшин 125 çуллăхне халалланă литература каçӗ иртет.
28 октября 2024
«Парнелӗр салтака чечек»

Çак кунсенче Шупашкарта Чăваш халăх поэчӗн Валери Туркайăн икӗ чӗлхепе çырнă çӗнӗ кӗнеки кун çути курчӗ. Вăл «Парнелӗр салтака чечек. Дарите цветы солдату» ятлă. Кӗнеке пӗтӗмпех ятарлă çар операцине тата патриотизм темине халалланă сăвăсенчен тăрать.
27 октября 2024
«Турхан сăмахӗ» – литература конкурсӗн çӗнтерӳçи

Пушкăртстанра пурăнакан Аркадий Русаков çыравçă тата публицист «Чăваш романӗ» литература конкурсӗн çӗнтерӳçи пулса тăнине маларах пӗлтернӗччӗ ӗнтӗ. Пултарулăх ăмăртăвӗнче мала тухнă «Турхан сăмахӗ» кăçал Чăваш кӗнеке издательствинче пичетленсе тухрӗ. Нумай пулмасть Чăваш наци библиотекинче унăн хăтлавӗ иртрӗ. Вăрăм çула кӗскетсе Аркадий Никандрович Пушкăртстанран килсе çитрӗ. Ăна саламлама поэтсемпе прозаиксем, редакторсемпе журналистсем, çыравçăн тус-тăванӗпе библиотекарьсем пуçтарăнчӗç. Уява «Чăваш кӗнеки» центрӗн ӗçченӗ Татьяна Семенова ертсе пычӗ.
11 октября 2024
Вырсарникун Юхма Мишшипе тӗлпулу пулать

Октябрӗн 13-мӗшӗнче Хусанти Халăхсен Туслăх Çуртӗнче 15 сехетре чăваш халăх çыравçипе Юхма Мишшипе тӗлпулу иртет. Мероприятире авторăн тутарла куçарнă çӗнӗ кӗнекин презентацийӗ пулать.
06 октября 2024
Кам-ха вăл ачаш ача?

Хӗлле валли çуллах хатӗрленме хушнă ваттисем. Марина Карягинан çӗнӗ кӗнеки шăп çапла пулса тухрӗ те. Хуплашки çине пăхăр-ха: хӗллехи илемлӗ куна сăнласа панă ӳнерçӗ. Ăна курсан тӳрех çунашкапа ярăнма каяс килет, çапла мар-и? Кăларăм çак кунсенче Чăваш кӗнеке издательствинче кун çути курчӗ. Редакторӗ – Ольга Федорова, ӳнерçи – Наталия Андреева.
06 октября 2024
«Варкăш хăни» — Елена Аксупи çыравçă

Авăн уйăхӗн 24-мӗшӗнче Чăваш Республикин Наци вулавăшӗнче çуллахи каникул хыççăн «Варкăш» литература клубӗ ӗçе малалла тăсрӗ. Хальхинче варкăшçăсем Елена Аксупин «Пилеш куççулӗ» кӗнекине сӳтсе яврӗç. Кăларăм кăçал Чăваш кӗнеке издательствинче кун çути курнă, унта калавсем кӗнӗ.
27 сентября 2024
Шупашкарта паян Николай Иванович Полоруссов-Шелепин вилтăприйӗ çинче çӗнӗ палăк уçăлать

Унта пӗрремӗш чăваш халăх поэчӗн тăванӗсем, ЧР Профессилле писательсен союзӗн, Тутарстанри чăваш çыравçисен пӗрлӗхӗн пайташӗсем, культура ӗçченӗсем, ЧНК представителӗсем хутшăнаççӗ. Вулакансем пӗлеççӗ пулӗ, поэт пирӗн ентеш, Аксу районӗнчи Беловка ялӗнче 1881 çулхи майăн 2-мӗшӗнче çуралнă.
16 сентября 2024
Философи лирикин пуçаруçи

Сăвăç литература ӗçне XIX ӗмӗр вӗçӗнчех тытăннă. Вăл чăваш поэзийӗнче пейзаж, философи лирикине пуçарса янă, унăн гражданла лирика тӗслӗхӗсем те чылай. «Варуççи» поэмăра эпосла жанр уйрăмлăхӗсем те палăраççӗ. Поэма малтанхи хут 1906 çулта «Хыпар» хаçатра пичетленнӗ.
15 сентября 2024
«Пӗррехинче кайăк-кӗшӗк картишӗнче...»

Ялта пурăнакан чылай çемье пӗр-пӗр выльăх, кайăк-кӗшӗк те пулин, тытатех пулӗ. Хальхи вăхăтра тата унччен зоопарксенче курнă турткăш е страус та чăваш ялӗсенче ытти кайăк-кӗшӗкпе туслă кӗшӗлтетсе çӳрет. Хуçисен вара пӗр шухăш: вăхăтра тăрантарас та тасатса тăрас.
13 сентября 2024
Юбилей тӗлне 7-мӗш кӗнеки тухрӗ!

Нумаях пулмасть Нурлат районӗнчи Мамăк ялӗнче пурăнакан Иван Павлович Павловăн (Актайăн) «Пурнăç – тутлă тӗлӗк мар» çӗнӗ кӗнеки Шупашкарти «Новое время» типографире пичетленсе тухрӗ.
31 августа 2024
«Пĕр ывăç канфет»

«Тимӗр алăксемпе пӗр-пӗринчен хупăнатпăр, тимӗр алăксем хыçне пӗр-пӗринчен пытанатпăр. Камран таратпăр? Çынсенчен таратпăр. Камран пытанатпăр? Çынсенчен пытанатпăр. Чӗресем çине тимӗр алăксем лартатпăр. Куçăмăрсене тимӗр хупăлчасемпе хуплатпăр. Камран хăратпăр? Камран шикленетпӗр? Хамăртан хамăр хăратпăр! Хамăртан хамăр шикленетпӗр! Чӗтресе хăрасах пурнăçăмăра пурăнса ирттеретпӗр».
29 августа 2024
Тăван ялĕнче поэта чысларĕç

Чăваш халăх поэчӗ Геннадий Айхи çуралнăранпа 90 çул çитрӗ
01 мая 2024
«Маттурсем-хастарсем»

Чăваш литературин аталанăвӗпе тата ӳсӗмӗсемпе кăсăкланакансем Владислав Николаев ятне илтнех ӗнтӗ. Паянхи кун вăл — тухăçлă ӗçлекен авторсенчен пӗри. Чи-чи хастарри тесен те йăнăш мар, пултарулăхне поэзипе прозăра та, драматургире те туптать. Çитӗннисем валли те, ачасем валли те хайлать. Унăн пьесисене чăваш театрӗсем лартаççӗ.
27 апреля 2024
Çарăмсанри Çӗнӗ Йӗлмелӗнче чăваш халăх поэтне Порфирий Васильевич Афанасьева халланă ачасен вулавӗ иртрӗ

«Унччен „Афанасьев вулавӗсем“ шкул, район шайӗнче иртнӗ пулсан, кăçал республика шайне тухрӗç. Паллă поэта халалланă конференцие кӳршӗллӗ районсенчи шкулсенчен те килнӗ», — çырать «Наш Черемшан» хаçат сайчӗ. Çарăмсан районӗнчен пурӗ вунă шкултан тата Чистай, Аксу, Элкел районӗсенчи 9 шкултан пӗтӗмпе 121 шкул ачи хутшăннă.
05 февраля 2022
Петӗр Хусанкай çуралнăранпа 115 çул çитнине халалланă конкурссем пуçлатпăр. Хутшăнăр!

Кăçалхи январӗн 22-мӗшӗнче пирӗн ентешӗмӗр, Элкел районӗнчи Сиктӗрме ялӗнче çуралса ӳснӗ Чăваш халăх поэчӗ Петӗр Хусанкай çуралнăранпа 115 çул çитрӗ. Тӗлӗнмелле талантлă поэтăн сăввисемпе поэмисем нихăçан та кивелмеççӗ, вӗсем паянхи кун та актуаллă. Тӗрлӗ шайри конкурссенче халӗ те Хусанкай сăввисем янăраççӗ, ытти халăхсем чăваш поэчӗсенчен чи малтан Хусанкая асăнаççӗ. Çакă ахальтен мар. Петр Петрович чăваш халăхӗ валли вилӗмсӗр йӗркесем çырнă кăна мар, ытти халăхсене те хамăр халăх еплерех мăнаçлă пулни пирки каласа панă, хăй те нумай чӗлхерен куçарнă. Ентешӗмӗр тунă ӗçсем вилӗмсӗр. Çавăнпа та Петӗр Хусанкай çуралнăранпа 115 çул çитнине тӗпе хурса «Сувар» хаçатра конкурссем ирттерме шутларăмăр.

❮ Назад Далее ❯