News by tag - чувашские писатели

• 24 декабря 2024

  Литературăпа музыка каçӗ

  Çӗпрел районӗнчи Алешкин Саплăкра литературăпа музыка каçӗ иртрӗ. Мероприятие «Сăрнай» халăх ансамблӗ (ертӳçи – Раççейӗн культурăн тава тивӗçлӗ ӗçченӗ В.А.Коваленко) тата Раççей Писательсен тата Журналистсен союзӗсен пайташӗ, Чăваш Республикин культурăн тава тивӗçлӗ ӗçченӗ, журналист, прозаик тата Массăллă информаци хатӗрӗсен «Медиа73» патшалăх корпорацийӗн тӗп специалисчӗ Николай Николаевич Ларионов хутшăнчӗç.

  
• 23 декабря 2024

  Валентин Урташăн чунӗ сăвви-юррисенче пурăнать

  Вăл кун çанталăк хӗллехи евӗр мар йӗпе те çиллӗччӗ. Палăртнă пекех Раккассине ирхине 10 сехет тӗлне çитрӗмӗр. Декабрӗн 21-мӗшӗ. Çул хӗрринчи катари çурт çумӗнче хӗрлӗ кирпӗчрен купаласа тунă мемориаллă палăк курăнса ларать. Гранит плита юрлă-пăрлă çанталăка пула тӗксӗмленсе ларнă та ун çинче мӗн ӳкерсе çырнине çывăхарах пырсан тин уйăрса илме пулать.

  
• 22 декабря 2024

  Ухли çуралнăранпа 110 çул

  Пӑва районӗнчи Пӳркел ялӗнче çуралса ӳснӗ паллӑ чӑваш çыравçи, драматург Владимир Васильевич Плешков-Ухли çуралнӑранпа кăçал 110 çул çитрӗ.

  
• 21 декабря 2024

  Урташа манмалла мар

  1983 çулта мана Чăваш кӗнеке издательствинче ӗçлекен Валем Ахун писатель (ентешӗм, Пăва районӗнчи Кипеккасси ялӗнчен) Валентин Урташ çырнă калавсемпе сăвăсене пухма каланăччӗ. Тепӗр çул поэт çуралнăранпа 60 çул çитнӗ тӗле çавсен чи паха тӗслӗхӗсене кӗнекелесе кăларма пулмӗ-и тенӗччӗ. Чăнах та, çав тӗллевпе Урташăн чылай хайлавне пичет машинкипе çаптарса хатӗрлерӗм. Поэт хăй пурăннă чухне 8 кӗнеке кăларнă, «Ăраскал» ятли 1974 çулта тухнă. Пичетре тухман сăвви-калавӗ пулма кирлӗ тесе архивра та пултăм – çук. Константин Петров çыравçă, Хусан университетӗнче пулас журналистсене вӗрентекен ăсчах, Урташ 1949 çулта хайланă «Çӗр ӗçченӗн юрри» сăввине пачӗ, поэт ăна тус-ентешӗн хваттерӗнче çырса хунă иккен, ниçта та пичетленмен. Константин Константинович Александр Кăлканпа курнăçма сӗнчӗ.

  
• 19 декабря 2024

  Юхма Мишшипе тӗлпулу пулать

  Декабрӗн 20-мӗшӗнче 17 сехетре Тутарстанăн Наци библиотекинче (Хусан, Пушкин урамӗ, 86-мӗш çурт) чăваш халăх çыравçипе Юхма Мишшипе (Михаил Николаевич Юхмапа) тӗлпулу иртет.

  
• 18 декабря 2024

  «Суварăн» çывăх тусӗ Лидия Угахина ӗмӗрлӗхех пиртен уйрăлса кайрӗ

  Ытларикун каç, декабрӗн 17-мӗшӗнче, «Сувар» хаçатăн тусӗсем хурлăхлă хыпар пӗлтерчӗç: Алексеевски районӗнчи Чăваш Майнинче пурăнакан тусăмăр, пултаруллă çыравçă, педагогика ӗçӗн ветеранӗ Лидия Угахина пиртен ӗмӗрлӗхех уйрăлса кайнă. Питӗ шел...

  
• 15 декабря 2024

  Чăваш хӗрарăмӗсем валли

  Çак кунсенче «Варкăш» литература клубӗн хастарӗсем «Хӗрӗх тӗслӗ хӗл» кăларăма пахаларӗç.

  
• 17 ноября 2024

  «Кам-ши вăл, Çеçпӗл?»

  Паллă поэт, чăваш совет поэзийӗн никӗсне хываканӗ Çеçпӗл Мишши çуралнăранпа çак кунсенче 125 çул çитет: классикăмăра халалланă тӗрлӗ мероприяти – конкурссем, вулавсем, тӗлпулусем тата ытти те – иртет. Ăсчахсем поэт пултарулăхне тарăн тишкереççӗ, статьясем калăплаççӗ, конференцисем, çавра сӗтелсем ирттереççӗ, çыравçăсем ăна халалласа хайлавсем шăрçалаççӗ. Чăваш кӗнеке издательствинче Сергей Павловăн «Кам-ши вăл, Çеçпӗл? Кто он, Сеспель?» кăларăмӗ кун çути курчӗ. Ăна икӗ чӗлхепе хатӗрленӗ, вырăсла Ольга Васильева куçарнă, редакторӗ – Ольга Федорова, ӳнерçи – Юлия Лутошкина.

  
• 16 ноября 2024

  Уявсем çинчен – чăвашла

  Нумаях пулмасть Чăваш Республикин Ача-пăча библиотекинче Чăваш кӗнеке издательствинче кун çути курнă «Уявсен кăшăлӗ. Наши праздники» кӗнекен хăтлавӗ иртрӗ. Кăларăмра календарьти уявсем пирки каласа панă. Çулталăкри уйăхсене шута илсе кӗнекене те 12 сыпăка пайланă. Кунта патшалăх, наци, халăхсен хушшинчи, официаллă мар тата ытти праçниксем пирки вуласа пӗлме пулать. Ачасемшӗн те, аслисемшӗн те интереслӗ ку кăларăм.

  
• 12 ноября 2024

  Пӗр кӗнекешӗн те намăс мар

  Вăл – прозаик, драматург, поэт, куçаруçă, журналист. Ачасем валли те, çитӗннисем валли те çырать, литературăн тӗрлӗ жанрӗпе тухăçлă ӗçлет. Шупашкарти театрсем унăн пьесисем тăрăх сакăр спектакль лартнă. Чăваш Республикин Министрсен Кабинечӗн постановленийӗпе килӗшӳллӗн çулсеренех иртекен ачасемпе çамрăксем валли чăвашла çырнă произведенисен конкурсӗнче пилӗк хутчен çӗнтернӗ. Сăмахăмăр Владислав Николаев пирки пырать. «Варкăш» литература клубӗн черетлӗ ларăвӗн хăни шăпах вăл пулчӗ.

  
• 09 ноября 2024

  Çеçпӗл Мишши – пуласлăх поэчӗ

  Чăвашсен паллă поэчӗ, кăвар чӗреллӗ Çеçпӗл Мишши çуралнăранпа ноябрӗн 16-мӗшӗнче 125 çул çитет. 2024 çул пуçланнăранпах Чăваш Енре те, Раççейӗн чăвашсем йышлă пурăнакан ытти регионӗсенче те паллă поэта халалланă мероприятисем – литература каçӗсем, конференцисем, конкурссемпе куравсем – иртеççӗ.

  
• 08 ноября 2024

  Çӗнтерӳçӗсен йышӗнче пирӗн ентеш те пур

  Чăваш Республикин Министрсен Кабинечӗн постановленийӗпе килӗшӳллӗн ачасемпе çамрăксем валли чăвашла çырнă алçырусен çулсеренех ирттерекен конкурсне пӗтӗмлетнӗ. Çӗнтерӳçӗсем паллă. Эппин паллашар-ха вӗсемпе.

  
• 06 ноября 2024

  Ырьят пирӗн асрах

  РФ Журналистсен, ЧР Писательсен союзӗсен пайташӗ, А.Талвир тата В.Урташ ячӗллӗ премисен лауреачӗ, Чăваш наци культурин тава тивӗçлӗ деятелӗ, 25 çул «Канаш» хаçатра вăй хунă Анатолий Дмитриев-Ырьят çуралнăранпа кăçал 75 çул çитрӗ. Вăл Пăва районӗнчи Раккасси чăвашӗ, В.Урташпа пӗр ялтан. Шел, ку вăхăта ӗçтешӗмӗр пурăнса çитеймерӗ, 2021 çулхи мартăн 19-мӗшӗнче чире пула пурнăçран уйрăлса кайрӗ. Çапах та эпир ăна, унăн пултарулăхне манмастпăр.

  
• 05 ноября 2024

  Тӗп сăнарсем çамрăксемшӗн тӗслӗх

  Нумай пулмасть Чăваш наци библиотекине чăваш çыравçисем, литераторсемпе критиксем, журналистсем, ятарлă çар операцине хутшăннă салтаксемпе офицерсем, волонтерсем, вулавăш ӗçченӗсем, Чăваш наци конгресӗпе Вăрмар округӗн ентешлӗхӗн пайташӗсем, Ара Мишшин пултарулăхне кăмăллакансем пухăнчӗç. Кунта Ара Мишши (Михаил Краснов) çыравçăн «Зов души» кӗнекине (вырăсла пичетленнӗ) хăтларӗç. Раççей Писательсен союзӗн правленийӗ сӗннипе кӗнекене кӗсьене чиксе çӳреме меллӗ виçепе, çемçе хуплашкапа кăларнă. «Тăван Атăл» журналта, «Сувар» хаçатра чăвашла пичетленчӗ. Хайлава автор, тӗпрен илсен, ятарлă çар операцине халӗ хутшăнакан салтаксене, маларах унта хутшăннă ветерансене, хальхи вăхăтра çамрăксен пурнăç шăпи епле аталанса пыни çинчен вулама юратакансене халалланă.

  
• 04 ноября 2024

  «Чăваш романӗ» II литература конкурсне пӗтӗмлетнӗ

  Чăваш кӗнеке издательстви «Чăваш романӗ» II литература конкурсне пӗтӗмлетрӗ. Пултарулăх ăмăртăвӗ çулталăка яхăн пычӗ – ӗçсене 2023 çулхи раштав уйăхӗн 25-мӗшӗнчен пуçласа 2024 çулхи авăн уйăхӗн 30-мӗшӗччен йышăнчӗç.