News by tag - чувашские писатели

• 03 марта 2025

  «Тăхăрьял» альманахăн 20-мӗш номерӗ кун çути курчӗ

  Халăхсен хушшинчи Тăван чӗлхе кунӗнче Пӳркел ял библиотекинче «Тăхăрьял» альманаха хăтларӗç. Нумай пулмасть унăн 20-мӗш номерӗ кун çути курчӗ. Библиотекăра ăна 1992 çултах кăларма тытăннă. Виçӗ чӗлхепе тухаканскере çыравçăсен юбилейӗсене, ытти паллă пулăмсене халаллаççӗ.

  
• 18 февраля 2025

  Лариса Петрован кӗнекипе пӗрле карточка пуххи те пур

  Кунсем тӗлӗнмелле хăвăрт малалла чупаççӗ, пӗрин хыççăн тепри килет – сисӗнмесӗрех эрне иртсе каять. Вӗсем çын пурнăçне малалла чуптараççӗ, çав вăхăтрах хăйсем те питӗ хаваслă пурăнаççӗ. Лариса Петрован «Кун ячӗсем. Дни недели» çӗнӗ кӗнекипе паллашсан хăвăрах куратăр. Юмах пуххи нумаях пулмасть Чăваш кӗнеке издательствинче кун çути курнă, редакторӗ – Ольга Федорова, ӳнерçи – Юлия Лутошкина.

  
• 17 февраля 2025

  Николай Ларионов Мускав чăвашӗсемпе тӗл пулчӗ

  Нумай пулмасть РФ Президенчӗн Чăваш Республикин представительствинче пирӗн ентешпе – Николай Ларионов писатель-журналистпа – питӗ интереслӗ тӗлпулу иртрӗ. Пуçласа тӗрлӗ жанрлă 18 кӗнеке авторӗ Раççей тӗп хулинчи чăвашсемпе тӗл пулнă. Пултарулăх каçне Мускав хулинчи чăваш культурин обществин председателӗ В.П.Иванова уçрӗ.

  
• 10 февраля 2025

  Ачасемпе çамрăксем валли чăвашла çырнă произведенисен 2024 çулхи конкурсӗнче çӗнтернӗ

  Çак кунсенче типографирен Владимир Степановăн «Ăннă та ăнман кун» кăларăмӗ килсе çитрӗ. Аслă классенче вӗренекенсем валли хатӗрленӗскерне пӗр калав кӗнӗ. Унăн алçырăвӗ ачасемпе çамрăксем валли чăвашла çырнă произведенисен 2024 çулхи конкурсӗнче çӗнтернӗ. Конкурса Чăваш Республикин Министрсен Кабинечӗ 2011 çулхи июнӗн 16-мӗшӗнче йышăннă постановленипе килӗшӳллӗн йӗркеленӗ. Кӗнекен редакторӗ – Ольга Иванова. Тиражӗ – 1000 экземпляр.

  
• 02 февраля 2025

  Урташ палăкӗ патне чечек хуракансем халь те пур

  Валентин Урташ поэт-юрăçăн 100 çуллăхне Раккассинче декабрӗн 21-мӗшӗнче паллă турӗç, апла пулин те ун палăкӗ патне çав-çавах хӗрлӗ гвоздикăсемпе чечек кăшăлӗ хуракансем халь те пур. Пӗрисем юбилей хăçан пулни пирки маларах пӗлеймен, теприсен унта çав кун килме май килмен ахăр. Чаплă палăка Валентин çуралса ӳснӗ çурт вырăнне вырнаçтарнă. Вун саккăр тултарнă-тултарманах хăй ирӗкӗпе вăрçа каякан каччă, пулас çар паттăрӗ, сумлă юрăç-поэт тата юрăç-кӗрешӳçӗ тăван кил умӗнче ашшӗ-амăшӗпе, тăванӗсемпе, ял-йышпа сывпуллашса çирӗппӗн каланă: «Эпӗ çӗнтерӳпе таврăнатăп!»

  
• 01 февраля 2025

  «Чăваш çыравçисем – фронтра»

  2025 çул – Çӗнтерӳ çулталăкӗ, Аслă Çӗнтерӗве çывхартнăранпа 80 çул çитет. Чăваш кӗнеке издательствинче çак паллă пулăма халалласа «Чăваш çыравçисем – фронтра. Чувашские писатели – на фронте» кăларăмăн 1-мӗш кӗнеки кун çути курчӗ. Ăна Эвелина Малеева, Ольга Федорова, Татьяна Захарова тата Алексей Кузьмин пухса хатӗрленӗ, ӳнерçи – Дмитрий Литаврин.

  
• 26 января 2025

  «Асамлă ачалăх»

  Чăваш кӗнеке издательствинче «Асамлă ачалăх» кăларăм пичетленсе тухрӗ. Ăна пухса хатӗрлекенӗ – Ольга Федорова. Ӳнерçи – Наталия Андреева. Тиражӗ – 1000 экземпляр. Кăларăмра XXI ӗмӗр пуçламăшӗнчи чăваш литературинче ырми-канми тăрăшакан çыравçăсем ачалăхне, асра юлнă вӗрентекенӗсене, пӗрремӗш хайлав çырнине, вăл хăçан кун çути курнине аса илеççӗ. Пурӗ вăтăр çичӗ автор кӗнӗ.

  
• 25 января 2025

  «Чăваш романӗ» III литература конкурсӗ иртет

  Чăваш кӗнеке издательстви «Чăваш романӗ» литература конкурсне виççӗмӗш хут ирттерет. Конкурса тăратнă ӗçсем чăвашла çеç пулмалла, урăх чӗлхерен чăвашла куçарнă хайлавсене пăхса тухмаççӗ. Конкурса халиччен кӗнеке пек пичетленмен хайлавпа хутшăнмалла.

  
• 25 января 2025

  Ырă ят çӗнсе илнӗ ăсчах

  Нумаях пулмасть, кăрлачăн 14-мӗшӗнче Шупашкарта, Чăваш наци библиотекинче Виталий Станьялăн пултарулăх каçӗ иртрӗ. Ăна чăваш ăсчахӗ, çыравçи, сăвăçи, филологи ăслăлăхӗсен кандидачӗ çуралнăранпа 85 çул çитнине халалланă.

  
• 22 января 2025

  Паян Петӗр Хусанкай çуралнăранпа 118 çул çитрӗ

  Паян Чăваш халăх поэчӗ, пултаруллă куçаруçă, пирӗн ентеш – Элкел районӗнчи Сиктӗрме ялӗнче çуралса ӳснӗ Петр Петрович Хусанкай çуралнăранпа 118 çул çитрӗ.

  
• 16 января 2025

  «Халăх ăс-хакăлӗн ахах-мерченӗ»

  Нумай пулмасть Чăваш кӗнеке издательствинче «Халăх ăс-хакăлӗн ахах-мерченӗ. Жемчужины народной мудрости» кăларăм пичетленсе тухрӗ. Ăна Никита Романов (1905–1960) педагог, чăваш халăх сăмахлăхне пухаканӗ хатӗрленӗ. Редакторӗ – Владимир Степанов. Чăваш патшалăх гуманитари ăслăлăхӗсен институчӗ тимленипе кун çути курнăскерне 2500 ытла ваттисен сăмахӗпе каларăш тата 1700 ытла тупмалли юмах кӗнӗ. Кӗнекене икӗ чӗлхепе – чăвашла тата вырăсла – хатӗрленӗ. Çавна май пирӗн халăхăн фольклор пуянлăхӗпе чăвашла пӗлмен çынсем те паллашма пултараççӗ.

  
• 14 января 2025

  Михаил Захаров çуралнăранпа 100 çул

  Михаил Иванович Захаров 1925 çулхи январӗн 14-мӗшӗнче Октябрь (халӗ Нурлат) районне кӗрекен Ялавăр ялӗнче çуралнă.

  
• 12 января 2025

  Вулама пуçлатăн та чарăнаймастăн

  Çӗнӗ çул умӗн «Варкăш» литература клубӗнче кӗнеке тусӗсем Ольга Австрийскаян «Пӗррехинче кайăк-кӗшӗк картишӗнче…» çӗнӗ повесть-юмахне пахаларӗç. Кăларăм пӗлтӗр Чăваш кӗнеке издательствинче кун çути курнă.

  
• 05 января 2025

  Çыру – Хӗл Мучи патне

  Чи асамлă уяв – Çӗнӗ çул. Мӗншӗн асамлă-ха вăл? Мӗншӗн тесен Çӗнӗ çул каç пӗтӗм ӗмӗтсем пурнăçланаççӗ.

  
• 29 декабря 2024

  «Шурçамка» халӗ тутарла та

  Хусан чăвашӗсен пуçарăвӗпе Юхма Мишшин «Шурçамка» повеçне кăçал тутарла куçарнă. Нумай пулмасть Хусанти типографисенчен пӗринче пичетленсе тухнă «Шурсямга, яшь бүре» кӗнекене декабрӗн 20-мӗшӗнче Хусанти Наци библиотекинче хăтларӗç. Презентацие Михаил Николаевич хăй те килнӗччӗ.