News by tag - чувашские писатели

24 июня 2025
Фольклорта ăс-хакăл пуянлăхӗ упранать-çке

Халăх сăмахлăхӗ çыравçăсене яланах хавхалантарнă. Вăл е ку юрă, юмах-халап е каларăш поэтсемпе прозаиксене те, драматургсене те хăйсен хайлавӗсене çырма хистенӗ.
23 июня 2025
Литература пикникӗ – ырă йăла

Чăваш Республикин Наци библиотеки çумӗнчи «Варкăш» литература клубне çӳрекенсем çулталăк тăршшӗпех чăваш çыравçисен кӗнекисене вуласа сӳтсе яваççӗ. 2023 çултанпа вара çӗртме уйăхӗнче варкăшçăсем литература пикникӗ ирттереççӗ. Ку ырă йăларан кăçал та пăрăнмарӗç вӗсем – çанталăк çиллӗ те сулхăн пулнине пăхмасăрах вулавăш картишӗнче пуçтарăнчӗç. «Чăваш кӗнеки» центрăн ӗçченӗсем тăрăшнипе ешӗл лапам чăн-чăн уяв шилӗкне çаврăнчӗ тесен те юрать. Сӗтел кукăль-икерчӗпе, пылак çимӗçпе, улма-çырлапа тулли. Хăнисем савăк кăмăллă.
06 июня 2025
Иванова пуç тайма 400 çухрăм та çывăх

К.В.Иванов 135 çул тултарнă ятпа пуçтарăннă уявăн тепӗр пысăк пайӗ ялти Культура çуртӗнче иртрӗ. Пушкăртстан тулашӗнчен Константин Иванова пуç тайма килнӗ ентешсен масштабӗ пысăк: Чăваш Ен, Ульяновск, Оренбург облаçӗсем, паллах, Тутарстан Республики. Балти тăрăхӗнчен те килнӗ терӗç.
06 июня 2025
Май уйӑхӗн 29-мӗшӗнче Пушкӑртстанри Слакпуç ялӗнче «Нарспи» поэма авторӗн 135 çулхи юбилейне паллӑ турӗç

Юбилей уявӗн торжествӑлла пайӗнче Пелепей район администрацийӗн пуçлӑхӗ Азат Сахабиев, Пушкӑртстан Республикин Культура министерствин представителӗ Нурлан Ганиев, Шупашкарти К. Иванов ячӗллӗ Чӑваш патшалӑх академи драма театрӗн директорӗ Елена Николаева, ТР ЧНКА Канашӗн председателӗн çумӗ Константин Малышев, «Сувар» хаçатӑн тӗп редакторӗ Ирина Трифонова тата ыттисем саламларӗç. Кашни чӑвашшӑн чуна çав тери çывӑх классика пуç тайма чӑвашсем Пушкăртстанри районсенчен, Тутарстанри Хусантан, Çарӑмсан, Аксу, Пӑва районӗсенчен, Чӑваш Енрен, Ульяновскран, Челябинск, Оренбург облаçӗсенчен тата Литва çӗршывӗнчен килчӗç.
05 июня 2025
Хисеплӗ çыравçă, поэт тата таврапӗлӳçӗ Анатолий Малышев паян 85 çул тултарать

Анатолий Меркурьевич Малышевăн çуралнă çӗршывӗ – Тăхăрьял. Вăл çакăнти Пӳркел ялӗнче 1940 çулта тӗнчене килнӗ. «Вăрçă ачи» çамрăклах сăвă тӗнчипе туслашнă. Пуçласа паллашнă чӗрӗ сăвăçă – Валентин Урташ. Хăйӗн хăтланăвӗпе, сăввисемпе çамрăкăн тӗнчекурăмне тӗпрен улăштарса янă вăл. Çав çулсенче çуралаççӗ те ӗнтӗ Анатолин пӗрремӗш сăввисем. Анчах пичетшӗн мар, юлташӗсемшӗн, тусӗсемшӗн.
01 июня 2025
Турхан юбилейне чаплăн паллă турăмăр

Юбилей каçне ТР ЧНКА çумӗнчи Чăваш писательсен союзӗн председателӗ тата «Сувар» хаçатăн тӗп редакторӗ Ирина Федоровна Трифонова ертсе пычӗ. Вăл Евгений Турханăн биографийӗпе тӗплӗн паллашатарчӗ залра ларакансене. Тӗслӗхрен, юбиляр пултаруллă çыравçă çеç мар, артист та иккен. Патăрьел районӗнче ӗçленӗ, пурăннă вăхăтра илемлӗ пултарулăх ушкăнӗпе лартнă спектакльсенче тӗп рольсенче вылянă. Пулас журналист, çыравçă тата куçаруçă 5 çултах Габдулла Тукайăн Ухсай Яккăвӗ куçарнă «Шурале» юмахне вуланă.
20 мая 2025
«Ют çын ачи»

Чăваш кӗнеке издательствинче «Ют çын ачи» ятлă кӗнеке пичетленсе тухрӗ. Авторӗ – Валентин Константинов. Кăларăмри произведенисене икӗ ушкăна пайласа вырнаçтарнă. Пӗрремӗшне «Чăт, тата кăштах чăт...» повесть, «Стандартсăр кинемей», «Ют çын ачи», «Алевтина», «Симӗс курăк, шурă лаша, кăвак тӳпе, Анукпа Хӗветӗр» калавсем кӗнӗ. Иккӗмӗш пайӗнче пӗтӗмпех шӳтлӗ-мыскараллă кӗске хайлавсем.
19 мая 2025
Евгений Турхан – тӗрлӗ енлӗ пултаруллă çын

«Сувар» хаçата куллен вулакансем Евгений Турхана аван пӗлеççӗ: вăл хаçат тухма пуçласан редакцире те нумай çул тăрăшнă, тивӗçлӗ канăва тухсан та «Сувара» статьясем, сăвă-калав, шӳтсем çырсах тăрать. Хаçат çумӗнче 1994 çулта «Сунтал» литпӗрлешӗве те вăлах йӗркеленӗ, улшăнми ертсе пырать. Тӗрлӗ енлӗ пултаруллă çын Евгений Андреевич.
22 апреля 2025
«Зарядкăна тухар пӗрле!»

Нумай пулмасть Чăваш кӗнеке издательствинче Светлана Гордееван «Вместе делаем зарядку! Зарядкăна тухар пӗрле!» кăларăмӗ пичетленсе тухрӗ. Светлана Денисовнăн сăввисене вырăсларан чăвашла Николай Ишентейпе Валерий Кошкин поэтсем куçарнă. Ӳнерçи – Светлана Бритвина, редакторӗ – Ольга Иванова.
10 апреля 2025
Кашнин историйӗ кăсăклă, хăйне евӗрлӗ

«Варкăш» литература клубӗн хастарӗсем хальхинче «Асамлă ачалăх» коллективлă сборника пахаларӗç. Вăл Чăваш кӗнеке издательствинче 2024 çул вӗçӗнче пичетленсе тухрӗ. Ăна пухса хатӗрлекенӗ – Ольга Федорова, ӳнерçи – Наталия Андреева. Кăларăмра XXI ӗмӗр пуçламăшӗнчи чăваш литературинче ырми-канми тăрăшакан çыравçăсем – пурӗ вăтăр çичӗ автор – ачалăхне, асра юлнă вӗрентекенӗсене, пӗрремӗш хайлав çырнине, вăл хăçан кун çути курнине аса илеççӗ.
09 апреля 2025
Писательпе куçа-куçăн курса калаçни уйрăмах асра юлӗ

Апрелӗн 7-мӗшӗнче Çӗпрел районӗнчи Хулаçырми ялӗн шкулӗнче писатель-журналистпа Николай Николаевич Ларионовпа питӗ интереслӗ тӗлпулу иртнӗ.
01 апреля 2025
Тутарстанри чăваш ялӗн пурнăçне çутатакан романăн виççӗмӗш кӗнеки пичетленнӗ

Чăваш наци библиотеки хатӗрленӗ «Вуламалли 100 кӗнеке» списока чăваш литературин ылтăн çӳпçи тесен те тӗрӗс. Чи интереслӗ, чӗлхе тӗлӗшӗнчен сăнарлă та паха хайлавсем кӗнӗ-çке унта. Алексей Афанасьевăн «Юманлăх çулçă тăкмарӗ» романӗ те çав шутрах. Вулакансем ыйтнипе Чăваш кӗнеке издательстви ăна тепӗр хут кăларма йышăннăччӗ. 2023 çулта унăн пӗрремӗш кӗнеки кун çути курнăччӗ, пӗлтӗр – иккӗмӗшӗ, нумаях пулмасть виççӗмӗшӗ пичетленсе тухрӗ.
21 марта 2025
Калавӗсем чуна пырса тивекен сăнарсемпе тыткăнлаççӗ

«Варкăш» литература клубӗн черетлӗ тӗлпулăвӗнче Олеся Михайлован «Пӗрремӗш çӗнтерӳ» кăларăмне пахаларӗç. Вăл 2024 çул вӗçӗнче Чăваш кӗнеке издательствинче пичетленсе тухнăччӗ. Вăтам классенче вӗренекенсем валли хатӗрленӗскерне 9 калав кӗнӗ. Хăтлава поэтсемпе прозаиксем, библиотекарьсемпе журналистсем, çамрăк çыравçăн тăванӗсемпе юлташӗсем пуçтарăнчӗç.
13 марта 2025
Шупашкара ӗçлӗ çулçӳреве

Николай Ларионов Валентина Тараватпа Шупашкарта пулни çинчен ТР ЧНКА çумӗнчи Чăваш çыравçисен союзӗн Ватсапри ушкăнӗнче пӗлтернӗ.
10 марта 2025
Чăваш çыравçисем хăйсене парнеленӗ кăларăмсене аса илчӗç

Нарăс уйăхӗн 14-мӗшӗнче, Пӗтӗм тӗнчери кӗнеке парнелемелли кун пулчӗ. Çак уяв тӗлне чăваш çыравçисем хăйсене парнеленӗ кӗнекесене аса илчӗç.

❮ Назад Далее ❯