News by tag - чувашские писатели

• 25 октября 2025

  «Чăваш романӗ» конкурсра Анатолий Хмыт çӗнтерчӗ

  Чăваш кӗнеке издательстви «Чăваш романӗ» III литература конкурсне пӗтӗм­летрӗ. Пултарулăх ăмăртăвӗ çулталăка яхăн пычӗ – ӗçсене 2024 çулхи раштав уйăхӗн 14-мӗшӗнчен пуçласа 2025 çулхи авăн уйăхӗн 30-мӗшӗччен йышăнчӗç. Конкурсăн тӗп тӗллевӗ – хальхи чăваш литературине тата пысăк калăпăшлă хайлавсене аталантарасси.

  
• 19 октября 2025

  Николай Ларионовăн çӗнӗ кӗнеки тухрӗ

  Туслă пурăнсан кирек епле йывăрлăха та çăмăллăнах парăнтарма пулать. Кӗнекепе туслă ача нумай пӗлет, ыттисемпе килӗштерсе пурăнакана йывăрлăха лексен пулăшу алли тăсса паракан тупăнатех. Çакна Николай Ларионовăн «Акуш» кӗнекипе паллашсан куратăн. Юмах-калав пуххи нумаях пулмасть Чăваш кӗнеке издательствинче кун çути курнă. Ӳнерçи – Светлана Бритвина, редакторӗ – Ольга Федорова. Кӗнеке алçырăвӗ ачасемпе çамрăксем валли хатӗрленӗ алçырусен конкурсӗнче 2024 çулта çӗнтернӗ. Конкурса Чăваш Республикин Министрсен Кабинечӗ 2011 çулхи июнӗн 16-мӗшӗнче йышăннă постановленипе килӗшӳллӗн йӗркеленӗ.

  
• 10 сентября 2025

  Ентешӗмӗрӗн Нина Артемьеван çӗнӗ кӗнеки пичетленсе тухрӗ

  Чăваш поэзийӗн анинче тухăçлă ӗçлекен сăвăç чылай. Çавăн пек пултаруллă авторсенчен пӗри – Нина Артемьева (Нина Николаевна Мокина). Вăл 1947 çулхи юпа уйăхӗн 20-мӗшӗнче Аксу районне кӗрекен Çӗмӗртлӗ ялӗнче çуралнă. Емелькинăри тулли мар вăтам шкулта пӗлӳ пухнă, ун хыççăн Шупашкара куçса кайнă: пир-авăр комбинатӗнче ӗçленӗ, каçхи вăтам шкулта вӗреннӗ, çав хушăрах сăвăсем çырнă. Малтанхи хайлавӗсем XX ӗмӗрӗн 60-мӗш çулӗсенче «Ленин ялавӗ» хаçатра (Хусан) кун çути курнă.

  
• 25 августа 2025

  Валентина Тараватăн пултарулăх каçӗ

  Августăн 22-мӗшӗнче Ульяновск облаçӗнчи Чăнлă районне кӗрекен Аслă Нагаткин ялӗнчи А.С.Пушкин ячӗллӗ библиотекăра пирӗн хисеплӗ ентешӗн, Раççей тата Чăваш çыравçисен союзӗсен пайташӗн Валентина Николаевна Тараватăн çуралнă кунне халалласа «Судьба – великий дар от Бога» пултарулăх каçӗ иртнине хыпарлать Чăнлă районӗн культура тата халăх канăвне йӗркелессипе ӗçлекен уйрăмӗ.

  
• 22 августа 2025

  Юмахсем ултă çултан аслăрах ачасем валли

  Нумаях пулмасть Чăваш кӗнеке издательствинче Раиса Сарпин «Саплăклă шăлавар. Штанишки в заплатках» кăларăмӗ тухрӗ. Ултă çултан аслăрах ачасем валли хатӗрленӗскерне авторăн чăвашла тата вырăсла çырнă юмахӗсемпе калавӗсем кӗнӗ. Хайлав пуххи пӗрремӗш хут 2011 çулта «Илемпи юмахӗсем» ятпа чăвашла пичетленнӗ. Халӗ ăна вырăсла пӗлекен мӗнпур ача вулама пултарать. Редакторӗ – Ольга Федорова. Произведенисене Михаил Николаевпа Антон Андреев ӳнерçӗсем питех те ăнăçлă илемлетнӗ.

  
• 19 августа 2025

  Кушаксем çинчен вулама юратакансем валли – çӗнӗ кӗнеке

  Кушаксем çинчен вулама юратакан ачасем валли çак кунсенче Чăваш кӗнеке издательствинче Римма Прокопьеван «Пӗчӗкки» ятлă кăларăмӗ пичетленсе тухрӗ. Унăн алçырăвӗ ачасемпе çамрăксем валли чăвашла çырнă произведенисен 2024 çулхи конкурсӗнче çӗнтернӗ. Ӳнерçи – Татьяна Бурдина, редакторӗ – Ольга Иванова. Тиражӗ – 1000 экземпляр.

  
• 12 августа 2025

  «Пурлак кукаçи пуянлăхӗ»

  «Алран алла» ярăмри черетлӗ кăларăм пичетленсе тухрӗ. Хальхинче ăна паллă çыравçăн Николай Ишентейӗн повеçне тӗпе хурса «Пурлак кукаçи пуянлăхӗ» ят панă. Мӗнле пуянлăх пирки сăмах пынине çӗнӗ кӗнекене алла тытакансем хăйсемех вуласа пӗлӗç.

  
• 04 августа 2025

  Сергей Павловăн çӗнӗ кӗнекине пахаларӗç

  Нумай пулмасть Чăваш наци библиотекинче Сергей Павловăн «Тертпе термен» кăларăмне пахаларӗç. Вăл автор 70 çул тултарнă кунпа пӗр килчӗ. Асăннă роман – «Шăпчăк çӗрӗпех юрлать» хайлавăн иккӗмӗш кӗнеки, Чăваш кӗнеке издательствинче тухнă. Хастар вулакансем унпа паллашма та ӗлкӗрнӗ ӗнтӗ. Пултарулăх каçне прозаиксемпе поэтсем, драматургсемпе литературоведсем, журналистсемпе библиотекарьсем йышлăн пуçтарăнчӗç. Мероприятие «Чăваш кӗнеки» центрăн ӗçченӗ Ольга Тимофеева ертсе пычӗ.

  
• 28 июля 2025

  Ирина Большакова: «Вӗрентекен хистенипех çырас туртăм çуралчӗ»

  Паянхи хăна – Çӗпрел районӗнчи Куршанкă Шăхаль ялӗнче çуралса ӳснӗ вӗрентекен Ирина Николаевна Большакова. Шăпи ăна Хусан хулине илсе çитернӗ. Халӗ вăл шӗкӗр хулари пӗр вӗрентӳ центрӗнче ачасене вӗрентет. Ӗçленӗ хушăрах сăвă-калав та çырма вăхăт тупать, куçару ӗçӗпе те аппаланать. «Сувар» вулакансене хăйӗн пурнăçӗпе, литературăри ӗçӗ-хӗлӗпе паллаштарма хапăл турӗ.

  
• 27 июля 2025

  Сăвăлла юмах – кӗçӗн çулхи ачасем валли

  Нумаях пулмасть Чăваш кӗнеке издательствинче Геннадий Челпирăн «Артей» кăларăмӗ кун çути курчӗ. Ăна икӗ чӗлхепе – чăвашла тата вырăсла – кӗçӗн çулхи ачасем валли хатӗрленӗ. Геннадий Васильевичăн сăвăлла юмахне вырăсла куçараканӗ – Вера Никитина. Редакторӗ – Ольга Иванова, ӳнерçи – Татьяна Бурдина.

  
• 23 июля 2025

  Николай Мордяковăн хайку пуххийӗ пичетленчӗ

  Нумаях пулмасть Чăваш кӗнеке издательствинче Николай Мордяковăн «Юр çийӗн кăвар» кăларăмӗ пичетленсе тухрӗ. Ăна аслă классенче вӗренекенсем валли хатӗрленӗ. Редакторӗ – Ольга Иванова, ӳнерçи – Наталия Орлова.

  
• 15 июля 2025

  «Нарспи» поэма икӗ чӗлхепе кун çути курчӗ

  «Нарспи» поэма чăваш литературин классикӗн Константин Ивановăн чи паллă хайлавӗсенчен пӗри шутланать. Тӗпре – Нарспипе Сетнерӗн телейсӗр юратăвӗ. Çамрăк поэт ăна 17 çулта çырнă, поэмăри сюжет çивӗчлӗхӗ, сăнарлăхӗ кирек хăш ӳсӗмри вулакана та тыткăнлать.

  
• 11 июля 2025

  Йытă аслашшӗ

  Аллă çулалла çывхарнăçемӗн аслă ачасем çунатлана пуçларӗç. Хӗр Мускавра ӗçлеме тытăнчӗ, ывăл салтакран таврăнсан хамăр хуларах пурăнать, анчах пирӗнпе пӗрле мар, уйрăм хваттерте. Çемйисем иккӗшӗн те çук-ха хальлӗхе, апла пулсан «асатте» е «кукаçей» тесе калакан часах пулмасть пек-ха мана. Ку пӗр енчен савăнтарать те, тепӗр енчен... темле, кунсем хăвăртрах шунине сисе пуçларăм.

  
• 04 июля 2025

  Литература фестивалӗ Уявра çыравçăсене пухрӗ

  Яланхи пекех чӑваш çыравçисем те хастар хутшӑнчӗç Уява. Кӑçал та калем ӑстисем валли ТР ЧНКА çумӗнчи Чӑваш çыравçисен союзӗ литература фестивалӗ йӗркеленӗ. Ӑна хальхинче чӑваш поэзийӗн классикӗ Константин Васильевич Иванов çуралнӑранпа 135 çул çитнине халалланӑ, çавӑнпа та çыравçӑсенчен нумайӑшӗ паллӑ поэтӑн «Нарспи» поэминчи сыпӑксене вуларӗç. Хӑшӗ-пӗри хӑй К.Иванова халалласа сӑвӑ çырнӑ (вӗсене хаçатăн çак номерӗнчи 8-мӗш страницăра вулама пултаратăр).

  
• 01 июля 2025

  Чăваш ятне ан ярăр

  Çуллахи каникул вăхăтӗнче Ленинград хулине кайса курма май пурри çинчен пӗлсен тӗлӗнтӗм те, савăнтăм та, салхуллантăм та. Ленинград Мускавран та инçерех. Кам та пулин кайса куратех! Эпӗ ăна телевизорпа кăтартакан киносенче курнă-ха, открытка пуххи пур тата манăн. Çавсемпех çырлахмалла пулать ӗнтӗ. Ара, каникул пуçланичченех колхоз хирне çумран тасатма тухмалла та, путёвки те йӳнӗ мар ӗнтӗ. Пӗрех çак хыпара аннене пӗлтертӗм. Эльвирăпа Алинăна путёвка илсе панине те сиктерсе хăвармарăм.