News by author - Татьяна Васильева
-
Асăрхăр, астăвăр, ан чирлӗр
Тутарстанăн медицина учрежденийӗсем май уявӗсене ӗç режимне улăштараççӗ
-
Хӳтӗлевçӗсене, çемйисене пурăнмалли çурт-йӗр
Тутарстан Республикинчен контрактпа е тулли мар мобилизаципе ятарлă çар операцине хутшăннисем валли, çапăçу хирӗнче пуç хунисен çемйисене социаллă ипотека программипе пурăнмалли çурт-йӗрпе тивӗçтересси çинчен республика влаçӗ закон йышăнать. Унăн проектне хатӗрленӗ, халь вăл коррупци паллисене шыракан экспертиза иртет.
-
Хусанти Вырăс çамрăксен театрӗ 92-мӗш театр сезонне ура çинчех ирттерет
А.Островский урамӗнчи 10-мӗш çуртра тахçантанпа кӗтнӗ юсав ӗçӗсем пыраççӗ, труппа вара куракана нимӗн пулман пек яланхилле спектакльсемпе савăнтарать, премьерăсем хатӗрлет. Енчен те юсавччен спектакльсемпе тӗп сценăран пит аякка кайман-тăк (трамвай çинчи, Хусан урамӗсенчи иммерсивлă спектакльсене шута илмӗпӗр), халӗ вара хулари 47 площадкăра Вырăс çамрăксен театрӗн постановкисене пăхма пулать. Хулари театрсенче, Культура çурчӗсенче, шкулсенче. Театр çуртне реконструкци тума пуçланăранпа труппа 298 хутчен спектакльсемпе тӗрлӗ сцена çине тухнă. Республикăпа та, Раççейӗпе илсен те тӗрлӗ çӗре çитме ӗлкӗрнӗ артистсем.
-
СВО ветеранӗсем хисеплӗ хăнасем пулӗç
Апрелӗн 19-мӗшӗнче Хусанта «Во имя жизни» музыка фестивалӗ гала-концертпа уçăлать. Фестиваль виççӗмӗш хут иртет. Пӗрремӗш хут «Во имя жизни» Сочире 2022 çулта иртнӗ. Ун чухне фестивале СССР халăх артисткин Александра Пахмутова композиторăн творчествине халалланă. 2023 çулхи ноябрь уйăхӗнче Сергей Рахманиновăн 150 çулхи юбилейӗпе çыхăнтарнă мероприятие. Пӗлтӗр Раççейри Çемье çулталăкне халалланă.
-
Çӗнӗ шăпăр çӗнӗлле шăлать-и?
Юбилей каçӗнче эпир Сергей Петровпа паллашрăмăр, ертӳçӗн шухăш-кăмăлӗ çинчен ыйтса пӗлтӗмӗр.
-
«Шăнкăрав» – Анат Кама чăвашӗсен мухтавӗ
Иртнӗ шăматкун Анат Камăри халăх ансамблӗ хăйӗн 35 çулхи юбилейне паллă турӗ. Менелник мӗнле иртни çинчен çырса кайиччен вулакана «Шăнкăрав» биографине аса илтерер. «Шăнкăрав» Тутарстанри чăваш наци ансамблӗсенчен чи аслисенчен пӗри. Унран аслăраххи 1976 çулта Аксу районӗнчи Кивӗ Тимушкелте Аркадий Харитонов йӗркеленӗ «Уяв» фольклор ансамблӗ-тӗр.
-
Диктант çыракансен йышӗ ӳссех пырать
Апрелӗн 5-мӗшӗнче 14 сехетре Пӗтӗм Раççей парттă хушшине ларнă – хуласенче, районсенче çулсерен иртекен «Тотальный диктант» çырнă. Халăхсен хушшинчи çутӗç акцийӗ пирки сăмах пырать, 2024 çулта РФ Обществăлла канашӗ «Тотальный диктанта» чи ăнăçлă проект тесе йышăннă. Кăçал унăн авторӗ Марина Москвина писательница, «Ясная Поляна» преми финалисчӗ пулчӗ. Унăн тăватă тексчӗ Непал, Инди çӗршывӗсенчи çулçӳрев çинчен каласа парать.
-
Ыркăмăллăх ӗçне пуçăннисем канашланă, опытпа паллашнă
Апрелӗн 7-мӗшӗнче Патшалăх Канашӗнче хӗрарăм-депутатсен «Мәрхәмәт – Милосердие» пӗрлешӗвӗн ларăвӗ «Ырă ӗçсен вăйӗ: Тутарстанăн ыркăмăллăхçă хӗрарăмӗсем СВО условийӗсенче» темăпа иртрӗ. Ăна паян, апрелӗн 13-мӗшӗнче паллă тăвакан Меценат тата ыркăмăллăх кунне халалланă.
-
Çӗнӗ экспедици уçлăха çӗкленнӗ
Апрелӗн 8-мӗшӗнче 08.47 сехетре «Победа» ракета Байконурти космодромран уçлăха çӗкленнӗ.
-
Паян «Вак укçа эрни» акци пуçланчӗ
Раççейре тенкӗсене хут укçана куçарас акци пырать. Пӗлтӗр пуçтарнă укçан йывăрăшӗ 336 тоннăпа танлашнă
-
Аслă Çӗнтерӗвӗн юбилейӗ тӗлне
Апрелӗн 10-мӗшӗнче Хусанта Пӗтӗм Раççейри «Красная гвоздика», апрелӗн 24-мӗшӗнче «Георгиевская ленточка» акцисем пуçланаççӗ.
-
Оксана Фёдорован фончӗ йӗркеленӗ фестиваль виçӗ кун классика музыкипе, унăн пултаруллă яш-кӗрӗмӗпе паллаштарчӗ
Мартăн 19 – 21-мӗшӗсенче Хусанта «Моя Россия: музыкальное путешествие» Пӗтӗм Раççейри фестиваль иртрӗ. Ăна РФ тава тивӗçлӗ артисткин, 2002 çулта «Мисс Вселенная» ята илнӗ Оксана Фёдорован фончӗ Президентăн культура пуçарăвӗсен фончӗ тӗрев панипе йӗркеленӗ. Фестиваль тӗллевӗ – нацин культура еткерне чапа кăларасси, классика музыкине суйласа илнӗ пултаруллă çамрăксене пулăшасси тата классика музыки çине таянса çӗршывăн регионӗсене пӗрлештересси.
-
Кăçал Науруза 9 пин çын пырса курч
Ӗмӗрсем иртсен те йăла упранса юлнă. Иртнӗ шăматкун, мартăн 22-мӗшӗнче, Хусанти ипподромра Тутарстан Халăхсен Ассамблейине кӗрекен тӗрӗк халăхӗсем Çӗнӗ çула – Науруза – уявларӗç. Кăçал республика шайӗнчи уявра 9 пин çын пулса курчӗ. Ерçӳ тупса ипподрома çитейменнисем «ВКонтакте» социаллă сетьре онлайн мелӗпе пăхрӗç.
-
РФ Кинематографистсен союзӗн Тутарстанри уйрăмӗ çулталăкран 45 тултарать
Документлă кино ӳкерессипе те тутарстансем ăнăçлă ӗçлеççӗ. Акă, материала пичете хатӗрленӗ чухне Омскран хыпар килчӗ – ятарлă çар операцийӗ пынă вырăнсенче, Лисичанскра, Тутарстан кинематографисчӗсем ӳкернӗ «Кормильцы» (реж. А.Барыкин) документлă фильм Халăхсен хушшинчи «Свидание с Россией» кинофестивальте Гран-при çӗнсе илнине пӗлтӗмӗр.
-
Хусан пăрăхӗсене Раççей хулисенче кӗтеççӗ
«РемГазКоммуникацисем» (РГК) тулли мар яваплăхлă общество – полимерсемпе ӗçлекен завод, хатӗр продукцие сутса вырнаçтарассипе паянхи кун çӗршыври чи паллă виçӗ предприяти шутне кӗрет.