Чӑваш эстрада ҫӑлтӑрӗсенчен те онлайн-концертсем кӗтетпӗр

Тутарстанра эстрада ҫӑлтӑрӗсен онлайн-концерчӗсем малалла тӑсӑлаҫҫӗ.
Шупашкарти пирӗн ҫӑлтӑрсем тем васкамаҫҫӗ халӑха савӑнтарма. Тен, тӳлевсӗр юрласан  сассисем тухмаҫҫӗ?
Хусанта вара ӗнер Ришат Тухватуллин тӳрӗ эфирта концерт кӑтартрӗ. Вӑл виҫӗмкун юрланӑ Салаватран та нумайрах куракан пуҫтарнӑ. Пурӗ ҫамрӑк ҫӑлтӑрӑн концертне 650 пин ҫын тӳрӗ эфирта пӑхнӑ, Салават Фатхутдинова 500 пин ҫын курнӑ. Ӑна Соцсетьсенче, тата республикӑн официаллӑ интернет-рессурсӗсенче кӑтартнӑ.
Паян Диляра Вагапова концерчӗ пулать.