Çул-йӗр правилисене пӑсакансене тупма пулăшакан приложени

Паянхи кун тӗлне приложенире 21 категорире йӗркене пăснине палăртма пулать, вӗсенчен çиччӗшӗшӗн укçа тӳлеççӗ. Вӗсен шутне çаксем кӗреççӗ: çуран çӳрекен çынна çул паманни, светофорăн хӗрлӗ çуттине пăхăнманни, стоп-лини умӗнче чарăнманни, хирӗç çул çине тухни, хăрушсăрлăх пиçиххийӗпе усă курманни, руль умӗнче телефонпа усă курни тата машинăран çӳп-çап пăрахни.

Заявка пама питӗ ансат: ăçта вырнаçнине геолокаци урлă палăртса йӗркене пăснине ӳкермелле, тӳлеве илме кирлӗ информаци палăртмалла. Тӗрӗсленӗ хыççăн, заявкăна Патшалăх автоинспекцине яраççӗ. Йӗркене пăсни палăрсан, тӳлев килет. Чи пысăк тӳлев – хирӗç çул çине тухнă видеошăн 1 440 тенкӗ парăнать.

Чи нумай тӗл пулакан йӗркене пӑсни – светофорӑн хӗрлӗ çутине пăхăнманни. Шӑпах çакӑн пек видеоçырусем уйрăмах килеççӗ приложени урлă. Иккӗмӗш вырӑнта – стоп-линирен иртни, виççӗмӗшӗнче – çул урлă каçмалли вырăнта çуран çӳрекене  ирттерменни.

Çакӑн пек общество тӗрӗслевӗ кирлине статистика та çирӗплетет. Тутарстан Республикин Министрсен Кабинетӗнче иртнӗ çул-йӗр хӑрушсӑрлӑхне халалланӑ брифингра пӑшӑрхантаракан даннӑйсене пӗлтернӗ: 2026 çул пуçланнӑранпа республикӑра 228 инкек регистрациленӗ, вӗсенчен кашни пиллӗкмӗшӗ вилӗмпе. Хирӗç çул çине юраман вырăнта тухни уйрӑмах хӑрушу. Çак маневра пула 31 авари пулнӑ. Сăмахран февралӗн 8-мӗшӗнче Çӳлту тата Чистай районӗсенче çак сăлтава пула тӑватӑ çын вилнӗ.