Елабугăри Иван Шишкин çурт-музейӗнче йӗкелтен художникăн портретне тунă
Хыр, чăрăш тата ытти йывăçсен йӗкелӗсенчен тунă портрета Çырчаллинчи Антон Кошкин тата Татьяна Фаттыхова туса хатӗрленӗ.
Çакăн çинчен журналистсене Елабугăри патшалăх музей-заповедникӗн пресс-служби пӗлтернӗ. Картинăна çынсене Сапсски ярамарки иртнӗ вăхăтра кăтартнă, вăл пурне те килӗшнӗ.
«Хальхи вăхăтра йӗкелсенчен тунă картина музее килсе куракансем валли фотозона пек ӗçлет», – тесе пӗлтернӗ Елабугăри патшалăх музей-заповедникăн информаципе издательство уйрăмӗн пресс-секретарӗ Евгения Поликарпова.
Картинăна икӗ çул тунă. Унăн никӗсне Иван Крамский тунă Шишкинăн портренте илнӗ. Художниксем хальлӗхе картинăна урамра тытаççӗ. Произведенипе малашне мӗн тăвасси паллă мар.
Следите за самым важным и интересным в Telegram-каналеТатмедиа
Нет комментариев