Гороскоп
-
Пурнăç çине çирӗпрех пăхма пуçлатăр
Тунтикун, ытларикун лару-тăру лайăхланать. Шăпа иртнӗ вăхăтра ăнманнишӗн халӗ ырăпа тавăрать. Анчах маларах шутласа хунисем йăнăш пулнипе йывăра килӗ. Вăй пӗтнине сисетӗр, дисциплинăна çирӗп пăхăнмалла. Канмалли кунсенче лару-тăру лайăхланать.
-
Шăпа иртнӗ вăхăтра нуша курнăшăн компенсаци парать
Хăйне хăй хирӗçлекен эрне. Тунтикун-ытларикун ӗçсем лайăх пыраççӗ, шăпа иртнӗ вăхăтра нуша курнăшăн компенсаци парать тейӗн. Чылайăшӗ вăй пӗтнине туять, дисциплина çине тимлӗх уйăрмалла. Канмалли кунсенче йăлт йӗркене кӗрет: кану, паллашусем, тӗлпулусем савăнтараççӗ.
-
Пӗтӗмӗшле илсен, эрне лайăх иртет
Творчество профессиллисен те, харкам пурнăçа йӗркелекенсен те, канурисен те кăмăлӗсем тулӗç. Çав вăхăтрах шутлав ӗçӗсемпе çыхăннисен питӗ тимлӗ пулмалла — йăнăшас хăрушлăх пысăк.
-
Тахçан пуçланă ӗçсене те вӗçлеме ӗлкӗретӗр
Тунтикун эсир вăранса çитмен пек, шухăшсем те сапаланчăк, тимлӗх те çухалнă, хусканусем те мăран. Кăнтăр апачӗ хыççăн хăвăра çăмăлрах туятăр, тавçăрулăх та çивӗчрех. Эрнекунччен тахçан пуçланă ӗçсене те вӗçлеме ӗлкӗретӗр, çӗнӗ проектсене те ăнăçлăн пуçăнатăр. Финанс лару-тăрăвӗ савăнтарать: тупăш кӳрекен контрактсем, пысăк япаласем туянатăр.
-
Эрнелĕх гороскоп
Таврари çынсене тимлесе кама пулăшу кирлине асăрхăр. Эрне пуçламăшӗ ăнăçлă. Мăшăрăн хăш-пӗр хăтланăвӗсем тарăхтарӗç те, анчах ан вăрçăнăр. Эрнен иккӗмӗш çурринче ӗçпе çула тухма меллӗ. Ку тапхăрта çӗнӗ роман пуçланас шанăç пур. Ӗçре кил-хуçалăх çинчен ан шутлăр, килте — ӗçри ыйтусене ан аса илӗр.
-
Эрнелĕх гороскоп
Эрнен пӗрремӗш çурринче пулса иртекен ӗçсем суяпа, иллюзипе çыхăннă. Йӗркелӳ япăххи пуçланă ӗçе вӗçне çитерме памасть. Канмалли кунсем çывхарнă май çынпа килӗштерсе ӗçленипе, дисциплинăна пăхăннипе лару-тăру лайăхланать. Сипленекенсен уяв кӗрекинче эрех-сăра ӗçмесен аванрах.
-
Эрнелӗх гороскоп
Ку тапхăрта çынсем лăпкă мар, чăтăмсăр, импульсивлă. Çакна пула сăлтавсăрах хирӗçсе каяççӗ. Паллах, кун пек «хӗрӳлӗхсем» хутшăнусене çеç мар, ӗçе те витӗм кӳреççӗ. Амбицисем пысăк пулни те тепӗр чух ура хурать. Кулленхи ӗçсене васкамасăр, хăй еккипе туса пырсан ӗç кунӗсем лăпкăн иртсе кайӗç. Çынсемпе ытти чухнехинчен сахалрах хутшăнсан вăрçăнма сăлтав пулмӗ.
-
Эрнелĕх гороскоп
Эрне сюрпризсемпе пуян. Çывăх çыннăрсемпе пӗр чӗлхе тупма йывăр, тавлашуран хирӗçӳ сиксе тухасси те час. Çав вăхăтрах эсир малалла аталанма, ӳсме май тупатăр. Тӗллевӗрсем, ӗмӗтӗрсем çинчен ан манăр. Тӗллевӗр патне çитме теветкелленессинчен хăрамалла мар.
-
Эрнелĕх гороскоп
Ку эрнери пысăк йышăнусем ӳлӗм пурнăçăра сисӗнмелле улшăнусем кӗртӗç. Çавăнпа васкамасăр, «çиччӗ виç те пӗрре кас» тенине астуса йышăнмалла. Харкам пурнăçра йывăрлăхсем сиксе тухӗç, анчах хăвăр çине тăракан çын пулнипе вӗсене çӗнтеретӗр. Ӗçтешӗрсемпе хирӗçсе кайсан та хуйхăрмалла мар — ӗçре темӗн те пулать. Сывлăхăра тимлӗр, уйрăмах чӗрепе юн тымарӗ тытăмне.
-
Эрнелӗх гороскоп
Кунсем интереслӗ иртеççӗ, анчах хӗвӗшӳсӗр мар. Апла пулин те çухалса ан кайăр, тӗллевӗр патне çирӗппӗн утăр. Темиçе ӗçе пуçăниччен пӗрне вӗçне çитерсен ӳсӗм курăнать. Юнкун чăрмавсем сиксе тухӗç, анчах ку сире ан хăраттăр. Кӗçнерникунах лару-тăру лăпланать. Канмалли кунсенче чăннипех канăр.
-
Эрнелĕх гороскоп
Хăйне аталантарма тăрăшакансене, çитӗнӳсем патне ăнтăлакансене ку эрнере ăнса пырать. Çывăх çынсемпе, тус-юлташсемпе хутшăнма та лайăх çак кунсенче. Командăпа ӗçлекенсем çитӗнӳ тăваççӗ.
-
Эрнелĕх гороскоп
Ума лартнă тӗллевӗрсем патне çитме вăй-хал та, чунтан ăнтăлни те пур. Ку тапхăр нумай интереслӗ ӗçсемпе, тӗлпулусемпе асра юлать. Ӗмӗтленнине пурнăçлама шанăç пулать. Сăмахăрсене шутласа калаçăр, мӗн-тӗр тунă чух асăрханулăх çинчен ан манăр.
-
Эрнелӗх гороскоп
Шутлани эсир планланă пек пурнăçланмасть — йывăрлăхсене те çӗнтерме тивет, чăрмавсемпе те тӗл пулатăр. Анчах çаксенчен хăрамалла мар, мӗншӗн тесен эсир пачах урăх çул суйласа илсе пысăкрах çитӗнӳ тума май тупатăр. Улшăнусене йышăнма хатӗр пулăр, кирлӗ-тӗк, теветкелленме ан шикленӗр.
-
Эрнелӗх гороскоп
Эрне тӗрлӗ пулăмсемпе пуян, интереслӗ иртет. Çак кунсенче паллашнă çынсем кӗçех сирӗн çывăх юлташăрсем пулса тăрӗç. Харкам пурнăçра та улшăнусем кӗтмелле. Пӗтӗмӗшле илсен эрне çӗнӗлӗхсемпе асра юлать.
-
Эрнелӗх гороскоп
Финанс ыйтăвӗсене татса пама меллӗ тапхăр. Çывăх çынсемпе хутшăнусем пăсăласран асăрханăр. Сывлăхăр çинчен ан манăр, сывă пурнăç йӗркине тытса пырăр — апата суйласа çийӗр, спортпа пит аппаланмасан та ирсерен хусканусем туса çан-çурăма çемçетмелле.
