Гороскоп

• 21 октября 2024

  Кулленхи ыйтусене татса панă чух интуицие итлемелле

  Эрнен пӗрремӗш çурри лайăх иртет. Харпăр хутшăнусене ытларах тимлӗх уйăрмалла. Çăлтăрсем ку эрнере тӳрӗ кăмăллисене пурнăçра ăнăçассине систереççӗ.

  
• 14 октября 2024

  Эрнен пӗрремӗш кунӗсем ăнăçлă иртеççӗ

  Шăпах çак вăхăтра интереслӗ, пысăк пӗлтерӗшлӗ пулăмсем кӗтеççӗ пире. Эрнекун укçа-тенке çирӗп тытăр, канмалли кунсене лăпкăн ирттерӗр.

  
• 07 октября 2024

  Ку эрнере паллашнă çынсемпе туслăх нумая пырать

  Ку эрнере çăлтăрсем ӗçе ырана хăварса пыма та, мӗнпе е кампа-тăр ытлашши интересленсе пуçа çухатма та хушмаççӗ. Эрне пуçламăшӗ йывăр ӗçе пуçăнма лайăх, вак-тӗвекпе вăхăта ирттермесен çăмăллăн пурнăçланать.

  
• 30 сентября 2024

  Çак кунсенчи илӗртӳллӗ сӗнӳсем тата хастартарах пулма хистеççӗ

  Тунтикун, ытларикун йăлт аван пулать – иксӗлми вăй-хал туятăр хăвăрта. Çак кунсенчи илӗртӳллӗ сӗнӳсем тата хастартарах пулма хистеççӗ. Хăвăр та çывăх çыннăрсене пӗр-пӗр идейăпа хавхалантарма пултаратăр. Юнкун йывăртарах иртет тесе систереççӗ çăлтăрсем.

  
• 23 сентября 2024

  Эрне пур зодиак паллишӗн те ырă

  Финанс лару-тăрăвӗ аванланать, тахçан шутланисене те пурнăçлама çăмăл. Ӗçлӗ çыхăнусене аталантарма меллӗ. Партнерсен сӗнӗвӗ сирӗн тăнăçлăха ӳстерет.

  
• 16 сентября 2024

  Эрнелӗх гороскоп

  Сентябрӗн 18-мӗшӗнче Меркурипе Сатурн оппозицинче. Çакна пула вӗренӳ йывăрланать, таврари çынсемпе хутшăнасси те кăткăсланать. Çула тухма, çынсемпе паллашма тăхтамалла. Сентябрӗн 19-мӗшӗнчех Хӗвелпе Уран тринӗ (тригонӗ) – планетăсем пӗр-пӗринчен 120 градусра вырнаçни – пурнăçа килӗшӳ кӳрет, эпир хамăра ирӗклӗрех туятпăр, пултарулăха уçма ăнтăлатпăр. Сентябрӗн 21-мӗшӗнче Меркурипе Юпитер квадратурине пула нумайрах калаçма тытăнатпăр. Сентябрӗн 22-мӗшӗнче Хӗвелпе Плутон тринӗ ертӳçӗсен хăватне ӳстерет.

  
• 09 сентября 2024

  Ку эрнере хăвăра упрамалла

  «Тӗрӗс тăватăп», — тесех ӗçе пуçăнатпăр çак кунсенче, кайран йăнăшнине ăнланса илетпӗр. Васкаса йышăну тунипе çапла-ши, çăлтăрсем этемӗн шухăш-кăмăлӗ çине витӗм кӳреççӗ-ши? Ку тапхăрта Сатурнпа Хӗвел оппозицинче пулнине шута илмелле — иммунитет чаксан та, вăй пӗтнине туйсан та... Упрамалла хăвăра.

  
• 02 сентября 2024

  Ку эрнере хире-хирӗçле ӗçсем, шухăшсем хуçа пулаççӗ

  Пӗрре эсир чăн-чăн идеалист пек тыткалатăр хăвăра, шухăшăрсем те тӳпенех çитнӗ пек, тепре — çӗр çинче çирӗп тăракан прагматик пек хăтланатăр, ӗçӗрсем те çӗр çинчен уйрăлма памаççӗ. Хăш-пӗр зодиак паллишӗн эрне питӗ ырă, теприсемшӗн кӳренмелле усал.

  
• 26 августа 2024

  Пӗрер сехет ытларах çывăрни усăллă

  Вăйран кайса ӗçлесен шала кайнă чирсем вăранаççӗ, пит ывăннипе ыйхă çухататăр. Массаж сеансӗ иртни аван. Ку эрнере пӗрер сехет ытларах çывăрни усăллă.

  
• 19 августа 2024

  Эрнелӗх гороскоп

  Бизнесменсен çак кунсенче партнерсемпе ӗçлесси çине ытларах тимлӗх уйăрмалла. Хуть мӗнле сӗнӗве те пăхса тухма хатӗр пулăр. Укçа-тенкӗ ӗçлесе илнисӗр пуçне ӗçтешсен умӗнче ят-сум та илмеллине асрах тытăр.

  
• 12 августа 2024

  Эрне пуçламăшӗ пуриншӗн те кăткăс вăхăт

  Тахçантанпа пыракан хирӗçӳ çивӗчленет. Хутшăнусем мирлӗ пулччăр тесе нумай вăй хума тивет сирӗн. Çак кунсенче хăнасем кӗтӗр — е тăванăрсем килсе çитеççӗ, е юлташăрсем.

  
• 05 августа 2024

  Çитӗнӳ тума меллӗ тапхăр

  Халиччен шутлама хăяйман ӗмӗтсем те пурнăçа кӗреççӗ. Анчах хăйпе хăй, эсир тăрăшмасăрах çапла пуласса ан кӗтӗр. Харпăр пурнăç йӗркеленет, халиччен пăшăрхантарнă хутшăнусем лайăхланаççӗ.

  
• 30 июля 2024

  Зодиакăн пур паллишӗн те ăнăçлă эрне

  Ӗçри ăнланманлăхсем, хирӗçӳсем хăйсене хăйсем çухалаççӗ. Пит пӗлтерӗшлӗ ыйтусене хăюллăн сӳтсе явмалла. Патшалăх органӗсемпе, обществăлла организацисемпе ыйту татса пама та меллӗ вăхăт. Çак тапхăрта хушма ӗç сӗнме пултараççӗ, йышăнăр.

  
• 15 июля 2024

  Çынсемпе паллашма та, пушă вăхăтпа туллин усă курма та ăнăçлă тапхăр

  Пӗлӗшӗрсем пулăшнипе укçа-тенкӗрен татăлмастăр е карьера пусмипе улăхатăр. Апата суйласа çимесен ӳт çине шатра тухӗ.

  
• 08 июля 2024

  Ку эрнере пурин те лару-тăрăва тӗрӗс хакламалла

  Нимӗнле пысăк ӗç те ан планлăр çак кунсене, питӗ тăрăшсан та пурнăçлама май килмӗ. Ӗмӗтленнине сире шăпа пӳрнӗ-тӗк, каярах ӗçе пуçăнсан та йăлт ăнăçлă пулать. Хӗрарăмсен тӗл пулнă çынпа хутшăнусенче романтика сӗрӗмӗ сисӗнӗ, арçынсен парăмӗ çинчен, вӗçлемен ӗçӗсем çинчен аса илмелле.