Гороскоп

• 27 мая 2024

  Пӗтӗмӗшле илсен, эрне лайăх иртет

  Творчество профессиллисен те, харкам пурнăçа йӗркелекенсен те, канурисен те кăмăлӗсем тулӗç. Çав вăхăтрах шутлав ӗçӗсемпе çыхăннисен питӗ тимлӗ пулмалла — йăнăшас хăрушлăх пысăк.

  
• 20 мая 2024

  Тахçан пуçланă ӗçсене те вӗçлеме ӗлкӗретӗр

  Тунтикун эсир вăранса çитмен пек, шухăшсем те сапаланчăк, тимлӗх те çухалнă, хусканусем те мăран. Кăнтăр апачӗ хыççăн хăвăра çăмăлрах туятăр, тавçăрулăх та çивӗчрех. Эрнекунччен тахçан пуçланă ӗçсене те вӗçлеме ӗлкӗретӗр, çӗнӗ проектсене те ăнăçлăн пуçăнатăр. Финанс лару-тăрăвӗ савăнтарать: тупăш кӳрекен контрактсем, пысăк япаласем туянатăр.

  
• 13 мая 2024

  Эрнелĕх гороскоп

  Таврари çынсене тимлесе кама пулăшу кирлине асăрхăр. Эрне пуçламăшӗ ăнăçлă. Мăшăрăн хăш-пӗр хăтланăвӗсем тарăхтарӗç те, анчах ан вăрçăнăр. Эрнен иккӗмӗш çурринче ӗçпе çула тухма меллӗ. Ку тапхăрта çӗнӗ роман пуçланас шанăç пур. Ӗçре кил-хуçалăх çинчен ан шутлăр, килте — ӗçри ыйтусене ан аса илӗр.

  
• 06 мая 2024

  Эрнелĕх гороскоп

  Эрнен пӗрремӗш çурринче пулса иртекен ӗçсем суяпа, иллюзипе çыхăннă. Йӗркелӳ япăххи пуçланă ӗçе вӗçне çитерме памасть. Канмалли кунсем çывхарнă май çынпа килӗштерсе ӗçленипе, дисциплинăна пăхăннипе лару-тăру лайăхланать. Сипленекенсен уяв кӗрекинче эрех-сăра ӗçмесен аванрах.

  
• 22 апреля 2024

  Эрнелӗх гороскоп

  Ку тапхăрта çынсем лăпкă мар, чăтăмсăр, импульсивлă. Çакна пула сăлтавсăрах хирӗçсе каяççӗ. Паллах, кун пек «хӗрӳлӗхсем» хутшăнусене çеç мар, ӗçе те витӗм кӳреççӗ. Амбицисем пысăк пулни те тепӗр чух ура хурать. Кулленхи ӗçсене васкамасăр, хăй еккипе туса пырсан ӗç кунӗсем лăпкăн иртсе кайӗç. Çынсемпе ытти чухнехинчен сахалрах хутшăнсан вăрçăнма сăлтав пулмӗ.

  
• 15 апреля 2024

  Эрнелĕх гороскоп

  Эрне сюрпризсемпе пуян. Çывăх çыннăрсемпе пӗр чӗлхе тупма йывăр, тавлашуран хирӗçӳ сиксе тухасси те час. Çав вăхăтрах эсир малалла аталанма, ӳсме май тупатăр. Тӗллевӗрсем, ӗмӗтӗрсем çинчен ан манăр. Тӗллевӗр патне çитме теветкелленессинчен хăрамалла мар.

  
• 08 апреля 2024

  Эрнелĕх гороскоп

  Ку эрнери пысăк йышăнусем ӳлӗм пурнăçăра сисӗнмелле улшăнусем кӗртӗç. Çавăнпа васкамасăр, «çиччӗ виç те пӗрре кас» тенине астуса йышăнмалла. Харкам пурнăçра йывăрлăхсем сиксе тухӗç, анчах хăвăр çине тăракан çын пулнипе вӗсене çӗнтеретӗр. Ӗçтешӗрсемпе хирӗçсе кайсан та хуйхăрмалла мар — ӗçре темӗн те пулать. Сывлăхăра тимлӗр, уйрăмах чӗрепе юн тымарӗ тытăмне.

  
• 01 апреля 2024

  Эрнелӗх гороскоп

  Кунсем интереслӗ иртеççӗ, анчах хӗвӗшӳсӗр мар. Апла пулин те çухалса ан кайăр, тӗллевӗр патне çирӗппӗн утăр. Темиçе ӗçе пуçăниччен пӗрне вӗçне çитерсен ӳсӗм курăнать. Юнкун чăрмавсем сиксе тухӗç, анчах ку сире ан хăраттăр. Кӗçнерникунах лару-тăру лăпланать. Канмалли кунсенче чăннипех канăр.

  
• 25 марта 2024

  Эрнелĕх гороскоп

  Хăйне аталантарма тăрăшакансене, çитӗнӳсем патне ăнтăлакансене ку эрнере ăнса пырать. Çывăх çынсемпе, тус-юлташсемпе хутшăнма та лайăх çак кунсенче. Командăпа ӗçлекенсем çитӗнӳ тăваççӗ.

  
• 18 марта 2024

  Эрнелĕх гороскоп

  Ума лартнă тӗллевӗрсем патне çитме вăй-хал та, чунтан ăнтăлни те пур. Ку тапхăр нумай интереслӗ ӗçсемпе, тӗлпулусемпе асра юлать. Ӗмӗтленнине пурнăçлама шанăç пулать. Сăмахăрсене шутласа калаçăр, мӗн-тӗр тунă чух асăрханулăх çинчен ан манăр.

  
• 11 марта 2024

  Эрнелӗх гороскоп

  Шутлани эсир планланă пек пурнăçланмасть — йывăрлăхсене те çӗнтерме тивет, чăрмавсемпе те тӗл пулатăр. Анчах çаксенчен хăрамалла мар, мӗншӗн тесен эсир пачах урăх çул суйласа илсе пысăкрах çитӗнӳ тума май тупатăр. Улшăнусене йышăнма хатӗр пулăр, кирлӗ-тӗк, теветкелленме ан шикленӗр.

  
• 04 марта 2024

  Эрнелӗх гороскоп

  Эрне тӗрлӗ пулăмсемпе пуян, интереслӗ иртет. Çак кунсенче паллашнă çынсем кӗçех сирӗн çывăх юлташăрсем пулса тăрӗç. Харкам пурнăçра та улшăнусем кӗтмелле. Пӗтӗмӗшле илсен эрне çӗнӗлӗхсемпе асра юлать.

  
• 26 февраля 2024

  Эрнелӗх гороскоп

  Финанс ыйтăвӗсене татса пама меллӗ тапхăр. Çывăх çынсемпе хутшăнусем пăсăласран асăрханăр. Сывлăхăр çинчен ан манăр, сывă пурнăç йӗркине тытса пырăр — апата суйласа çийӗр, спортпа пит аппаланмасан та ирсерен хусканусем туса çан-çурăма çемçетмелле.

  
• 19 февраля 2024

  Эрнелĕх гороскоп

  Çынпа хутшăнма çăмăл мар ку эрнере, уйрăмах çывăх çынсемпе. Эсир хăвăра халран кайнăн туятăр, юратнă çыннăр тимлӗх уйăрмасть пек туйăнать. Анчах çакна пула кулянма кирлӗ мар. Юрату — икӗ çын тăрăшни. Эсир тăрăшнипе мăшăрăр лайăхрах пулать, вăл та сирӗн çине çакăн пекех ырă витӗм кӳрет.

  
• 12 февраля 2024

  Эрнелĕх гороскоп

  Ку эрнере савăнмалли те, кулянмалли те пулать. Пӗтӗмӗшле илсен эрне ăнăçлă иртет, уйрăмах улшăнусене йышăнма хатӗррисемшӗн. Чăрмавсем сиксе тухсан пуçа усма кирлӗ мар, йывăрлăхсене çӗнтермелӗх пӗлӗвӗр çитет, вăй-халăр пур.