«Тутарстанăн культура шӗкӗр хули» конкурса пуçласа Хусана Лениногорск районӗ хăпса килчӗ. Мартăн 31-мӗшӗнче Халăхсен Туслăхӗн Çурчӗ лениногорсксемпе тулчӗ
Кунта кам кăна çук: районти музейсем те, ача-пăча пултарулăхӗн шкулӗсем те, ал-ӗç ăстисем те килнӗ. Ача-пăчасен, аслисен юрă-ташă ушкăнӗсем, апат-çимӗç хатӗрлекенсем тата ыттисем. Ентешӗсене курма та ытларах çак районра çуралса ӳснисем килнӗччӗ.
Концерта, паллă ӗнтӗ, Тутарстанри наци культурисемпе йăли-йӗркисене халалланăччӗ. Сăмах май, унта чăвашсем – аслисем те, кӗçӗннисем те – хăйсене тивӗçлӗ кăтартрӗç.
Çӗнӗ Шешкел ялӗнчи Культура çуртӗнче ӗçлекен Александр Ванюковăн йывăçран касса тунă ӳкерчӗксем уява килнисене пурне те тӗлӗнтерчӗç.
Нет комментариев