Луганск Халăх Республикине гуманитари пулăшăвне ТР Патшалăх Канашӗн депутачӗ Эдуард Шарафиев çитернӗ. Тутарстанран хальхинче салтаксене кирлӗ пулăшусăр пуçне, çамрăк çемьесем валли ачасене пăхса ӳстерме кирлӗ япаласем те ăсатнă.
Гуманитари тиевӗн пӗр пайне Лисичанскри ача сачӗсене уйăрӗç. Теприне хулан администрацине пулăшу кирлӗ çемьесем валли парӗç.
Эдуард Шарафиев каласа хăварнă тăрăх, шефа илнӗ хуласенче пурăнакансене Тутарстанран пулăшу пӗрмай çитсе тăрать, вӗсене мӗн кирлипе тивӗçтерме тăрăшать.
Гуманитари пулăшăвӗ пухнă çӗре предпринимательсем, волонтерсем тата республикăра пурăнакансем хутшăнаççӗ.
Сăнӳкерчӗк gossov.tatarstan.ru сайтран.
Нет комментариев