Май шăрăхӗ çӗр ӗçченне усă кӳмест
ТР Гидрометцентрӗ çитес кунсенче республика территорийӗнче сывлăш температури +25 – 27 градус таран ăшă пуласса шантарать. Ял хуçалăх отрасльне ку пӗрре те савăнтармасть.
Кӗрхи тырă калчисемпе çыхăннă йывăр лару-тăрăва пула (Тутарстанра 120 пин гектар ытла кӗрхи тырă калчисем пӗтнӗ. Ку вăл пӗтӗмӗшле лаптăкăн çурри таран) ТР Президенчӗ Р.Минниханов майăн 2-мӗшӗнче республикăн 43 муниципаллă районӗнче чрезвычайлă лару-тăру режимӗ пуçланасси çинчен хушăва алă пуснă.
Документпа килӗшӳллӗн, район ертӳçисемпе ТР Ял хуçалăх министерствин специалисчӗсем чрезвычайлă лару-тăрăва ирттерсе ямалли мероприятисен планне пилӗк кунра хатӗрлемелле. Паян шăпах юлашки кун. Мӗн сӗнӗç-ши вӗсем? Шел те, çитес кунсенче çанталăк каллех кансӗрлесси куçкӗрет, прогноз çывăх вăхăтра çуллахи пекех шăрăх çанталăк тăрасса шантарть, эппин тăпрари нӳрӗк сисӗнмеллех чакать.
Следите за самым важным и интересным в Telegram-каналеТатмедиа
Нет комментариев