«Метеорсем» çула тухаççӗ
Çитес çулсенче Раççейре çӗршыври юханшывсем тăрăх Совет самани вăхăтӗнчи пекех пассажирсене турттарма тытăнӗç. Çак кунсенче РФ Президенчӗ Владимир Путин 2035 çулччен шыв-шур тăрăх пассажирсене турттаракан сеть туса хума хушнă.
Шыв-шур тăрăх пассажирсене турттарассишӗн яваплă министрсен вара васкамалла, кăçал декабрь уйăхӗчченех тӗп ыйтусене пăхса тухма ӗлкӗрмелле вӗсен. Тӗрӗссипе, пăр тапраннă тесен те юрать. Атăлçи тăрăхӗнчи регионсем – Тутарстан, Чăваш Ен, Марий Эл, Самарăпа Ульяновск – пӗлтӗрех пӗрлехи «Аслă Атăл çулӗ» туризм проектне алă пуснă.Унпа килӗшӳллӗн, регионсем хушшинче шыв-шурпа пассажирсене турттарма йышăннă. Хальхи вăхăтра юханшывсен хăйне евӗрлӗхне шута илсе вӗсем ăçта «Метеорсем», ăçта «Валдай» пек кимӗ-карапсене ярассине шутлаççӗ. Шупашкартан Хусана, тӗсӗхрен, «Валдай» çӳрет те ӗнтӗ, «Метеорсем» Кама хумӗсене сиреççӗ. Мускавра вара электрокимӗ-карапсем çӳреме тытăннă. ( И.Кузьмина сăнӳкерчӗкӗ)
Следите за самым важным и интересным в Telegram-каналеТатмедиа
Нет комментариев