«Право в объективе» конкурсра Нурлат ачисем çӗнтернӗ

Нурлат район сучӗ право темипе иртекен тӗрлӗ конкурссене хутшăнакансене кашни çулах наградăлать. Нурлат хулинчи шкулсенче вӗренекенсем хастар хутшăнаççӗ тӗрлӗ ăмăртусене. Кăçал та ачасем ТР Суд департаменчӗн Управленийӗ, ТР Вӗрентӳпе наука министерстви тата Раççей патшалăх правосуди университечӗн Хусанти филиалӗ пӗр-пӗрин хушшинче тунă килӗшӳ тăрăх «Правосудие от А до Я» проект шайӗнче ирттерекен «Право в объективе» конкурса хастар хутшăннă. Нурлатри Совет Союзӗн Геройӗ М.Е.Сергеев ячӗллӗ гимназире вӗренекен Анастасия Буланова «Мобилографи» номинацире 1-мӗш вырăн йышăннă. Ăна Альбина Валерьевна Дипломпа тата асăнмалăх парнепе чысларӗ. Конкурса хастар хутшăннă Айгуль Фатхуллина, Расим Самигулов, Камила Самигулова (Нурлатри 1 № вăтам шкул) тата Ксения Малярова (Нурлатри 2 № вăтам шкул) Тав хутне, çавăн пекех парнене тивӗçрӗç. Право темипе интересленекен ачасемшӗн председатель суд çуртӗнче ирттернӗ экскурси те интереслӗ пулчӗ. Мероприяти вӗçӗнче пурте пӗрле асăнмалăх сăн ӳкерӗнчӗç. (Нурлат район сучӗн пресс-служби.Пресс-служба сăнӳкерчӗкӗ).