Раççей кунӗпе саламлатпăр!

АЯККИНЧЕ АН ТĂР!

Паян-ыран ак çитӗ Çӗнтерӳ.

Эс ун çумне мӗнле çыпăçаятăн?

Вăрçа лекмерӗ ывăлу, кӗрӳ.

Эс инçетрен кăна пăхса тăратăн.

Кӳршӳ йăлтах фронта валли ӗçлет:

Укçа ярать вăл кирлине илмешкӗн,

Нуски çыхать, тумтир тавраш çӗлет…

Эс «ухмах мар» çак ушкăна кӗмешкӗн.

«Правительство йăлтах-çке явапра,

Ку манăн вăрçă мар», – тесе калатăн.

Анчах тăрса юлаймăн аякра:

Тăшман çӗнсен пӗрле айне пулатăн.

Пӗрре çеç-и çӗнтернӗ вăрçăра?

Манми кунсем пур пирӗн асăнмалăх.

Пуçтарăнса пӗр çирӗп чăмăра

Паян каллех пӗрле тăрар – пур халăх!

Антонида САУШКИНА.