Республикăра тата 10 кун шăрăх пулать-ха

Хусанти федераллă университетăн метеорологӗ Юрий Переведенцев пӗлтернӗ тăрăх, çитес эрнере сывлăш температури нормăран 4-5 градус ытларах та пулать, çумăр çумасть. Çакă регионта антициклон хуçаланнипе çыхăннă. Эрне вӗçӗнче +32 градус таранах шăрăх пулать. Климат нормипе вара августра çанталăк кăшт сулхăнланма тытăнса вăтамран +19 градус кăна юлмалла, анчах кăçал апла пуласса кӗтмелли çук, шăрăх çанталăк августăн 8-мӗшӗчченех тăма шантарать. Çавна кура вăрмансенче пушар хăрушлăхӗ тата ӳсет, типӗ çанталăка пула ял хуçалăхӗ те сиен тӳсет. (Автор сăнӳкерчӗкӗ).