Шăхасанта чăрăш тăррине тухьяпа илемлетнӗ

Канаш районӗнчи Шăхасанти шкулта чăрăшсене илемлетес енӗпе конкурс пырать. Классем пӗр-пӗринпе ăмăртаççӗ. Ыттисен хушшинче чăваш стилӗпе капăрлатнă чăрăш та конкурса хутшăннă.

Шăхасанти ачасен фантазийӗ таçта та çитет. Çеçпӗл Мишшин ентешӗсем халиччен пулман çӗнӗлӗх шутласа кăларнă. Чăрăша вăрман пики тесе калатпăр пулсан, мӗн тума ăна тухья тăхăнтарас мар? Çапла тунă та.

Сăнӳкерчӗк «Пуринчен малтан. Çывăрса юлмасан» пабликран.