Шыв пур, çумăр çук

Кама леш енче сывлăшри нӳрӗк çукпа пӗрех. Тутарстана аномалиллӗ шăрăхсем киличчен ку тăрăхра тӗл-тӗр кӗске çумăрсем пулкаларӗç-ха, пăр та çуса инкек кăтартрӗ. Анчах та ытларах çӗрте çӗр типсе çурăлма тытăннă ӗнтӗ. Çӗр нӳрӗкӗ кайса пырать. Çакă ял хуçалăхӗнче ӗçлекенсене те хурлантарать, кашни каç килте пахча сапакансене те.

Нурлат районӗнчи шкул картишӗнчи чечексем кăна хăйсен телейне хăйсем шанмасăр çеçке сараççӗ пулӗ. Вӗсене кашни кун шкулта ӗç практикине иртекен ачасем шăвараççӗ.

Июнӗн 26-мӗшӗнче Элмет районӗнчи Патраклăра Кама леш енчи чăвашсен Учукӗ пулать. Тен, ун хыççăн çумăрсем Тутарстана таврăнӗç?