«Союзмультфильм» юбилее чӗнет

Июлӗн 10-мӗшӗнчен 19-мӗшӗччен «Казань» Çемье центрӗ патӗнче легендарлӑ киностуди юбилейне халалланӑ «Тӗлӗнтермӗшсен Фабрики» анлӑ интерактивлӑ курав иртет.

Хӑнасем анимаци фильмӗн чи малтанхи утăмӗсенчен – ӳнерçӗн пулас картинăн сăнарӗсене шыраса ӳкернӗ пӗрремӗш ӳкерчӗкӗсенчен пуçласа хатӗр мультфильм таран – хăйсем тӗллӗн хатӗрлеме пултараççӗ. Экспозицие пултарулӑх «цехӗсен» формачӗпе йӗркеленӗ, унта кашни экспоната курма кӑна мар, тӗкӗнме те, ӗçлеттерме те,  тӗпчеме те пулать.

Килекенсем валли пуян программа хатӗрленӗ: куллен юратнӑ мультфильмсем кӑтартаççӗ, мастер-классем, юратнӑ геройсемпе тӗлпулусем йӗркелеççӗ.

Курав июлӗн 10 – 19-мӗшӗсенче 11.00 – 21.00 сехетсенче ӗçлет.

Тӳлевсӗрех кӗрсе курма пулать, анчах souzmult90.ru регистраци иртмелле.

Сăнӳкерчӗк max.ru/mincultrt.