Тӗрӗ хӗн-асапран сыхласа хăвартăр

Халăхсен туслăхӗн этнопаркӗнчи Чăваш кил-çурт хуçалăхӗнче тӗрӗ ăстисем пуçтарăнса салтак тутрисем тӗрленӗ. Вӗсене Чăваш наципе культура автономийӗ Самар облаçӗнчи мобилизациленнисем валли пулăшу пуçтаракансене парӗ.  
«Салтак тутри» акцие Чăваш наци музейӗ пуçарса янăччӗ. Вăл сентябрь-октябрь уйăхӗсенче чи илемлӗ тӗрӗллӗ тутăр конкурсне ирттерчӗ. Каярах çак конкурс валли тата ятарласа тӗрленӗ тутăрсене мобилизаиленнӗ салтаксене фронта парса яма пуçланă.  
«Çак тутăрсен тӗррисем салтаксене хӗн-асапран упрасса, каялла тӗрӗс-тӗкел таврăнма пулăшасса шанатпăр», – терӗ Самар обçаçӗнчи чăваш автонмийӗн ертӳçи Людмила Павлова пирӗн редакципе телефонпа çыхăннă май.