Туберкулезпа чирлекенсен шучӗ ӳснӗ

Кăçал 8 уйăхра Тутарстанра туберкулезпа чирленӗ 604 çынна тупса палăртнă. Ку пӗлтӗрхи çак тапхăрпа танлаштарсан 95,6 процент нумайрах.

Тутарстан Республикин Гигиенăпа эпидемиологи центрӗнчен пӗлтернӗ тăрăх, 2023 çулхи январь – август уйăхӗсенче республикăра 100 пин çын пуçне 22,7 çынна туберкулез ернӗ.

2022 çулхи январь – август уйăхӗсемпе танлаштарсан кăçал ытти чирсемпе чирлесси те ӳснӗ: сифилиспа чирлекенсен шучӗ 36,4 процента, ВИЧ çаклатнисен – 3,8 процента.

 Сăнӳкерчӗк «Татар-информ» ИА.