Туслăх çинчен тăхăр интереслӗ факт

*Статистика тăрăх, кашни çичӗ çул эпир юлташсенчен çуррине çухататпăр. Çавăнпа та сирӗн туслăхăр çичӗ çултан ытларах тăсăлать пулсан, вăл пӗтӗм пурнăç тăршшӗнех çитӗ. 
*Енчен те сирӗн ӗçӗрте юлташ çук-тăк, çак ӗç сирӗн кăмăлăра кайни питӗ иккӗленӳллӗ. 
*Енчен те сирӗн тусăрсен хушшинче кам-тăр мăнтăрлăхран тарăхать-тӗк, эсир те ытларах çиессипе «çылăха» кӗркелетӗр. Енчен те сирӗн тусăр спортзала çӳрет пулсан, эпир те спортзала çӳрекен пулатăр. 
*Мăшăрланури туслăх çемье пурнăçне вăрăмлатать. Лайăх çемьесен ăнăçлăхӗн никӗсӗнче тарăн туслăх тăрать. 
*Чӗрчунсем ытти чӗрчунсемпе туслашма пултараççӗ. Калăпăр, качака таки тата тигр. 
*Нумай юлташлă çынсен иммунитечӗ çирӗпрех, вӗсен пурнăçӗ вăрăмрах. Туссем депрессирен хăтăлма, чирсене çӗнтерме пулăшаççӗ, телей, тăнăçлăх илсе килеççӗ. 
*Енчен те этем пурин çине те çывăх тусӗсем çине пăхни пек пăхсан, унăн пурнăç çулӗ самай çăмăлтарах пулать. Ырлăх тата ыттисене пулăшма пултарни çынна телейлӗрех тăвать. 
*Ăслă çынсен юлташӗсем сахалтарах. 
*Пурнăç тăршшӗпе сирӗн нумай тус-юлташ пулӗ, анчах та 12 юлташран пӗринпе çеç ӗмӗрлӗх туслăх пулма пултарать.