Тутарстанра Президент ёлкине мобилизованнăйсен 2 пин ытла ачине йыхравланă

«Тӗп ёлка декабрӗн 25-мӗшӗнче «Татнефть-Аренăра» пулса иртет. Унта 8,5 пин ача хутшăнӗ. Ку вăл хăйсене вӗренӳре, спортра, культурăра, общество пурнăçӗнче палăртнă ачасем тата çителӗксӗр пурăнакан çемьесенчи ачасем. Кăçал Тутарстан Республикин Президенчӗ мобилизованнăйсен çемйисенчи ачасене уйрăм тимлӗх уйăрма хушнă, çавăнпа та çак категорири 5-11 классенче вӗренекенсене – ку вăл 2 пин ытла ача – «Татнефть Аренăна» кӗтеççӗ», – тесе пӗлтернӗ ТР çамрăксен ӗçӗсен министрӗ Тимур Сулейманов. Вăл палăртнă тăрăх, пӗчӗкрех çулти ачасене Кремльти ёлкăна йыхравлаççӗ.