Тутарстанри «Пӗрремӗшсен юхăмӗн» уйрăмӗ медиасферăпа тренинг ирттерет

«Ку вăл медиапа тата журналистикăпа кăсăкланакан çамрăксемшӗн, çавăн пекех хальхи блогерсем хăйсен вуншар пин çын çырăнакан страницисен ӗçӗ-хӗлне еплерех йӗркеленипе интересленекенсемшӗн усăллă пулӗ», – тенӗ «Пӗрремӗшсен юхăмӗн» республикăри регион уйрăмӗн ертӳçи Тимур Сулейманов. Вăл хушса каланă тăрăх, хутшăнакансем килекен районсенче медиаушкăнсем йӗркеленӗ, вӗсем информаци уçлăхне интереслӗ контентпа тултарӗç. Материал кăсăклă пулмалла, çав вăхăтрах усăллă та.