Viber мессенджерта Тутарстанри коронавируспа çыхăннă лару-тăру çинчен каласа паракан канал ӗçлесе кайнă

Viber мессенджерта Тутарстанри кононавируспа çыхăннă лару-тăру пирки каласа паракан канал ӗçлеме пуçланă. Вăл «CОVID-19 Татарстан» ятлă. Асăннă мессенджерпа усă куракансем халӗ кирлӗ тата тӗрӗс информацие хăвăрт пӗлме пултараççӗ. 

Сăмах май, паян, октябрӗн 17-мӗшӗнче, Тутарстанра тата 39 çын коронавирус инфекцийӗпе чирлени паллă пулнă. Ку, паллах, официаллă даннăйсемпе. Паян ТР Правительство Çуртӗнче иртнӗ канашлура палăртнă тăрăх, сентябрь уйăхӗнче республикăра пурӗ 721 çын ковид-19-па чирленӗ-тӗк, октябрӗн 1-17-мӗшӗсенче – 540. Чирлекенсен шучӗ 1,3 хут ӳснӗ.