г. Казань
• Çу уйăхӗн 27-мӗшӗ — Сидор. Çак кун сивӗ пулсан — çулла та сивӗ пулать.
• Çу уйăхӗн 20-мӗшӗ — Купальница. Çӗнӗ уйăх чух пахча çимӗç аксан вăрлăха хуртсем çисе яраççӗ тенӗ. Акнă-лартнă чух çил хӗвеланăçӗнчен е хӗвелтухăçӗнчен вӗрсен аван.
• Çу уйăхӗн 9-мӗшӗ — Глафира. Юр çусан хуратул ăнса пулать. Куккук хыттăн тата час-час авăтать — лайăх çанталăка.
• Ака уйăхӗн 15-мӗшӗ — Тит. Ейӳ вăхăтӗнче пăра сăнамалла: енчен те вăл юхса каймасть, путать — йывăр çул кӗтет. Çак кун путене сассине илтсен ку çул тыр-пул та, курăк та лайăх çитӗнет.
• Ака уйăхӗн 8-мӗшӗ — Гавриил. Çак кун çанталăк мӗнле — юпа уйăхӗн 8-мӗшӗ çапла пулать.
• Ака уйăхӗн 1-мӗшӗ — Дарья. Çурхи шыв шавласа юхать пулсан — çулла курăк аван çитӗнет. Çак кун çанталăк мӗнле — юпа уйăхӗн 1-мӗшӗнче те çапла пулать.
• Пуш уйăхӗн 25-мӗшӗ — Феофан. Çак кун тӗтреллӗ пулсан сӗлӗ, йӗтӗн тата кантăр ăнса пулать.
• Пуш уйăхӗн 18-мӗшӗ — Конон. Çак кун хӗвеллӗ-тӗк, çулла пăр çăвасран хăрамалла мар. Конон хыççăн 40 хутчен тăм ӳкет (ирхи сивӗ).
•Пушăн 11-мӗшӗ — Порфирий. Вӗçен кайăксене сăнамалла. Енчен те вӗсем кăнтăртан таврăннă — тыр-пул ăнса пулать.
• Пушăн 4-мӗшӗ — Архип тата Филимон. Вăрманта шурă мулкача тӗл пулсан — юр тата та çăвать-ха; сăрă мулкача курни вара ăшăтиччен вăрах кӗтмелле мар. Çак кун мӗн чухлӗ ытларах ырă ӗç тăватăн, çавăн чухлӗ лайăхрах пурăнатăн кăçал.
• Нарăс уйăхӗн 26-мӗшӗ — Степан, Мартын. Çак кун сивӗ-тӗк, çуркунне кая юлса килет, сивӗ пулать. Мӗн чухлӗ сивӗрех, çулла çавăн чухлӗ ăшăрах, типӗрех пулать.
• Нарăс уйăхӗн 19-мӗшӗ — Вукол. Çак кун шартлама сивӗ пулсан, çуркунне ир килет, çулла типӗ те шăрăх пулать. Вукол кунӗнче килтен никама та нимӗн те кивçен памаççӗ.
• Нарăс уйăхӗн 12-мӗшӗ — Василий. Çил вăйлă — йӗпе-сапаллă çул пулать. Шултра юр çăвать-тӗк кӗçех ăшăтать.
Нарăс уйăхӗн 5-мӗшӗ — Агафий. Çак кун юр нумай-тăк — кăçал тырпул ăнса пулать. Хӗвеллӗ кун — çуркунне ир килет тата ăшă пулать. Сивӗ те хӗвеллӗ — çурла уйăхӗ шăрăх пулать.
Паян çил çурçӗртен вӗрсен ака уйăхӗччен сивӗ пулать.
0
