2025 çулта Тутарстан Республикин Президенчӗн ячӗ улшăнать

Тутарстан Республикин чи çӳллӗ должноçӗ малашне мӗнле пуласси пирки эпир хаçатра та, сайтра та çырсах тăтăмăр. ТР Патшалăх Канашӗн депутачӗсем ку ыйтăва ларура та, ятарлă çавра сӗтел ӗçӗнче те тӗплӗн пăхса тухрӗç, Çӗнӗ çул умӗнхи ларура ТР Конституцине чи çӳллӗ должноçпа çыхăннă закон проектне улшăнусем кӗртсе йышăннă хыççăн ăна алă пусса çирӗплетме ТР Президенчӗ Рустам Минниханов патне ярса панă. Январӗн 6-мӗшӗнче Рустам Минниханов тӳрлетӳсене йышăнса çирӗплетнӗ. Унпа килӗшӳллӗн 2025 çултан тытăнса республика ертӳçин ячӗ «Тутарстан Республикин Пуçлăх-Раисӗ» пулӗ. Рустам Минниханов вара хăй полномочийӗсен срокӗ вӗçленичченех Президент ятпа çӳрӗ.    

С.Камалетдинов сăнӳкерчӗкӗ, «Татар-информ» ИА.