«Ак Барс» банк клиенчӗсем, ан пăшăрханăр – укçăра вăрламан!

 «Ак Барс» банк картти çинчи укçа ним туман çӗртен тăрук вӗçнине курсан çынсен сисӗнмеллех сехри хăпрӗ пулмалла. Анчах лăплантарма васкатпăр – банк картти çинчи юлнă укçана хывма та, карттăна хупма та ан васкăр! Банк хупăнман, ăна вăрăсем те тапăнман.Техника юсавсăрлăхне пула кăна мобильлӗ приложени ӗçлеме пăрахнă. Паян кун вӗçлениччен ăна çӗнӗрен хута ярасси, юсавсăрлăха пула вӗçнӗ укçана талăк хушшинче каялла тавăрасси çинчен пӗлтерчӗ «Ак Барс» банкăн пресс-служби.