Çӗнтерӳ кунне халăх чунӗнчен кăлараймăн

ТР Культура министерствин пресс-служби тутарстансене те çак акцие хутшăнма йыхравлать. Кун валли майăн 9-мӗшӗнче кăнтăрла 12 сехет тӗлӗнче уçă чӳрече умне пырса е балкон çине тухса «День Победы» (Владимир Харитоновăн сăввисемпе Давид Тухманов çырнă) юрра юрламалла. Юрă марафонне паллă спортсменсем, актерсем, политиксем тата ахаль çынсем хутшăнаççӗ. Хăвăр мӗнле юрланине видео ӳкерсе каярах соцсетьсене #окнопобеды хэштегпа вырнаçтармалла.