Вăрман пушарӗпе кӗрешме пурӗ 70-е яхăн тӗрлӗ техникăпа хатӗрсем туянма палăртнă

Тутарстан вăрманçисем валли вăрман пушарӗпе кӗрешме пурӗ 70-е яхăн тӗрлӗ техникăпа хатӗрсем туянма палăртнă. «Вăрман хуçалăхӗн аталанăвӗ» РФ патшалăх программипе килӗшӳллӗн пӗтӗмпе 27 вăрман патруль автомобилӗ, «Экология» нацпроектăн «Вăрмансене сыхласси» федераллă проект хӳттинче пӗр прицеплă пушара хирӗçле модульпе ранецлă 40 огнетушитель туянасшăн. Патруль машинисем пушар лару-тăрăвне, вăрмана закона пăхăнмасăр каснине тата ытти сăтăрла ӗçсене тӗрӗслесе тăма кирлӗ. Прицеплă модульсемпе огнетушительсем вара вут тухсан усă курма кирлӗ.    

Сăнӳкерчӗк «ТАТМЕДИА» телеграм-каналӗнчен.