Кадрсен центрӗ сывлăх енчен çирӗп маррисене ӗçе вырнаçма пулăшать

Сывлăх енчен çирӗпех маррисем  республикăра паян экономикăн тӗрлӗ сферинче кирлӗ. Ӗç шыракансене сӗннӗ вакансисем хушшинче – операторсем, ют чӗлхе учителӗсем, лаборантсем, солодовщиксем, йытă ӗрчетекенсем, электрогазосварщиксем, автоматизациленӗ системисен инженерӗсем, ветеринарсем, вентиляци системисен монтажникӗсем, электрослесарьсем, инженер-технологсем тата слесарь-сантехниксем.

Çӗнӗ профессие вӗрентессине те  уйрăм пусăм тунă. «Кадры» наци проекчӗ шайӗнче 3 çын çӗнӗ професси алла илнӗ, 6 çын вӗренет  тата 7 çын занятисем пуçланасса кӗтет. Унсăр пуçне патшалăх программипе сывлăх енчен çирӗпех мар 23 ӗçсӗр çын вӗренет, вӗсенчен 11-шӗ курса ăнăçлă вӗçленӗ ӗнтӗ.

Тутарстанри  «Работа России» Кадрсен центрӗн ертӳçи Тимур Муллин организаци предприниматель пуçарăвӗсене ырланине те палăртнă. Çулталăк пуçланнăранпа 8 çын хăйсен ӗçне уçнă. 

Карьера консультанчӗсем ӗç шыракансене  кашни тапхăрта пур енлӗн пулăшаççӗ: сывлăхпа опыта шута илсе ӗç суйласа илме, резюме тума, профориентаци тата собеседовани иртме.  Тӗплӗнрех информаци тупма тата консультаци иртме  portal.tatartrud.ru портал  е  8( 843) 222-05-57 пӗрлехи контакт-центрӗн телефонӗпе шăнкăравласа пӗлме пулать.

Тутарстанри «Работа России» Кадр центрӗн пресс-службин сăнӳкерчӗкӗ.