Килте ларманни ыттисемшӗн хăрушлăх

Тăвансем, çурхи хӗвел хӗртсе пăхнă чух килте ларма çăмăл мар. Анчах та чир ан сарăлтăр тесен лармаллах. Унсăрăн чир çав тери хăвăрт сарăлма пултарать. Кăна Мускав тӗслӗхӗнче те куратпăр. Унта куллен çӗршер мар, пиншер çын чирле пуçларӗ. Коронавирус никама та хӗрхенмест, çав шутра çамрăксене те. Роспотребнадзорăн Тутарстанри управленийӗн ертӳçи Марина Патяшина ТНВ канала панă интервьюра та тутарстансене килте ларма чӗнсе каларӗ, мӗншӗн тесен  коронавирус хăрушла хăвăртлăхпа сарăлас хăрушлăх пысăк халь. Ун сăмахӗсем тăрăх, 2-3 эрне килте ларасси çăмăл мар, анчах та май пур таран нумайрах килте лармаллах пирӗн. Урама хăрамасăрах тухма пулать тени пысăк йăнăш. Ытларах 65 çултан иртнисене пырса тивет ку.  Çамрăксен чир симптомсăр е çăмăлрах иртет. Анчах кун пек çын та тепӗр 3 çынна ертет