Тутарстанра COVID-19 ытларах çамрăксем чирлеççӗ

Шел, коронавирус  куçа курăнмасан та вăрă-хурах пек çывăхрах та çывăхрах  çывхарать. Апрелӗн 18-мӗшӗнче республикăра тепӗр 16 çынна COVID-19 ернӗ.  Вӗсенчен 3-шӗ 18 çула çитмен ачасем, 18-30-тисем – 1, 30-50-рисем – 6, 50-60-рисем – 4, 60-70 тата 70-80-рисем 1-ер. Чир 4 тӗслӗхӗнче ютран килнисенчен, 12-шӗ чирлисемпе хутшăнсан ернӗ.  Яланхи пекех чи нумай чирлекеннисем Хусанта. Юлашки талăкра палăрнă 16 тӗслӗхрен  9-шӗ Хусанта.

 Раççейӗпе ку шут пилӗк пине çывхарать. Вирус çитмен пӗр регион та çук. Апрелӗн 18-мӗшӗнче тата 4785 çын чирленӗ. Пӗтӗмпе çӗршывра 36793 çын коронавируспа чирлет, 313 çын вилнӗ, 3057 çын сывалнă.